Waaɗ ɓi sang ɗa
43Ɗu kerhiɗ ne wa woyuuɗ ne : “ Waaɗa morom fu, fu sang ɓoyi sang ɗa. ” 44Waaye mi na woyee ɗu ne, waaɗaat ɓooɓi sang ɗu, ɗu kiimɗee ɓooɓi na torhiɗee ɗu in baahiɗ. 45Ŋ ndeem, ɗu hey teeɓohe ne ɗu kuɓuuciŋ Baabiŋ ɗu yi nik ŋ Eel ci, laam a na pulɗe puliɗ nohiŋ ɗe ŋ añaandiɗ ci na baahiɗ ci, a na toɓɗe toɓiɗ yurhiɗ ci na yurhaaɗiici.
46Moo, ɗu waaɗ ɓooɓi waaɗ ɗu dong ɗah, ɗu car ye aafaah ŋ ineem ? Juuti'oh ci sah na tumohe ɗaa. 47Te ɗu kañɗee ɓaah ciŋ ɗu dong ɗah, ɗu haɓiɗ ye ini haɓɗohuuɗi ? Ɓooɓi kosɗi Kooh sah na tumohee ɗaa. 48Kon kinaat raak sikka findi Baabiŋ ɗu yi nik ŋ ɗafki raakohɗi sikka.
