Kiristaani hayiɗ wuu Yawuut ci na ɓi nikɗi Yawuut
7Mbaa, yaa nu nga teyɗukaat morom ce findi Kiristaani teyɗukoh ɗu. Tumohaat ɗaa, ɗu yakiɗ Kooh. 8Ini ŋ waaɗ woo weɗ ne Kiristaani, a nikiɗ surgaaniŋ Yawuut ci ne a teeɓoh ne Kooh woo keeh, a tumiɗ in ci a gapee caac ca. 9Te a namiɗ on ɓi nikɗi Yawuut ne ɓa min yakiɗ Kooh ŋ yirmi a yirim ɓa, findi wa fiisohu an :
« Ineem weɗ tah ŋ hey ɗa yakɗe
ŋ ɗooƴ cuuɓ ci
te ŋ hey ƴeeke tiikiŋ ɗa. »
10Wa namiɗ fiisu an :
« Ɗu ɓi cuuɓ ci jen,
hunaat na cuuɓiŋ ɗe haf ce,
ɗu sum ! »
11Ɓaatta nga an :
« Ƴeekaat Heɗi,
ɗu ɓi cuuɓ ci jen !
Adinaani jen yakɗaat ɗe ! »
12Esayi namiɗ woo ne :
« Yi rimkoh ŋ Yesay hey haye,
a meeɓu,
a adgoh cuuɓ ci ;
cuuɓ ci hey dege yaakaariŋ ɓa nga ɗe. »
13Kooh yi Heɗ yaakaar riifɗaat ɗu na sum na jam keeh-keeh ŋ kosi ɗu kos, ne ɗu taamboh ŋ hatiliŋ Fuuɗsi Hoolohngaani, ɗu riif na ooluk ŋ in ci na haye.
