ಪೌಲಾ ವರಿ ಬಾರ್ನಬಸ ಜು಼ದಾ ಥಯಲ
36ದಕ್ಹಾ ದಿನೊ ಥಯಲ ಪರ ಪೌಲಾ ಬಾರ್ನಬ; ಅಪೆ ಕರ್ತಾನಿ ವಾಕ್ಯ ಕೈನ ಕ್ಹಾರಾ ಗಾಮ್ಮೊನೆ ವರಿ ಗೈನ ತ್ಯಾ ರ್ಹಯಲ ಭಾಯೊ ಕಿಮ್ಮ ಛೆ ಕೈನ ದೆಕಾನೆ ಆ ಕೈನ ಕದ್ಯೊ. 37ತಿನಾಹುತಿ ಬಾರ್ನಬ ಮಾರ್ಕ ಕವೈಲಿವಾಲೊ ಯೊಹಾನನೆ 38ತ್ಯುನಾ ಕ್ಹಾತೆ ಬಲೈಲಿನ ಜೌವು ಕತ್ತಾಮಾ ಪೌಲಾ; ಹಮಾರಾ ಕ್ಹಾತೆ ಸವೆ ನೈಸೊ ಪಂಫುಲ್ಯಮಾ ಹಮ್ಮನೊನೆ ಚ್ಹೊಡಿಪಾಡೆಲ ಬಲೈ ಲೌವು ಕೈನ ಜಾ಼ವಾನಾ ಹುತಿ ಚೊ಼ಕು ನ್ಹವೈ ಕೈನ ಶೆ ಕರಲಿದ್ಯಾ. 39ತೆ ವಿಷಯಮಾ ಘನ್ನು ವಾಗ್ವಾದ ಥಯಲಕ್ಹು ತ್ಯುನೆ ಯಕ್ನಾ ಯಕ್ಕ ಲಡಾಡಾತ್ತಾ. ಬಾರ್ನಬ ಮಾರ್ಕನೆ ಬಲೈಲಿಂಗೈನ ಸಮುಂದರನಿ ವಾಟತ್ತಾ ಕುಪ್ರದ್ವಿಪನೆ ಗಯಾ. 40ಪೌಲಾ ಸಿಲಾನೆ ಇನಲಿನ ಭಾಯೊಕ್ಹು ಕರ್ತಾನಾ ಕೃಪಾ ಆಶ್ರಮನೆ ವಳೈ ಲಿವಾಲೊ ಥೈನ ತ್ಯಾತ್ಯಾ 41ಗೈನ ಸಿರಿಯಾ ವರಿ ಕಿಲಿಕ್ಯ ಸಿಮೆಮಾ ಜಾತ್ತಾ ಕ್ಹಾರಾ ಸಭೆನೆ ಘಟ್ಟ ಕರಾಡಾತ್ತಾ.
