ಹಮೆಶಾ ರ‍್ಹವಾನು ಒಡಂಬಡಿಕೆ

59ಕರ್ತಾ ಥಯಲ ಯಹೊವಾ ಅಮ್ಮ ಕವಸ ತು ಒಡಂಬಡಿಕೆ ಮಿರಿನ ತಾರಿ ಕ್ಹಮ್ಮನೆ ಇನ್ಕಾರ ಕರಿಸ, ತು ಕರಲಕ್ಹು ತಿನಾ ತಕ್ಕ ಮಿ ತುನೆ ಕರುಸ. 60ಕಿಮ್ಮಬಿ ಮಿ ತಾರಾ ಜಾಂಜಿಮಾನನಾ ಕಾಲಮಾ ತಾರಾ ಕ್ಹಾತೆ ಕರಿಲಿದಲ ಒಡಂಬಡಕೆನೆ ಸ್ಹೆಂ ನೆ ಲೈನ ತಾರಾಕ್ಹಾತೆ ಕೆಳಾಮಾಜ಼ ನೈ ತಪ್ಪಲ ಒಡಂಡಿಕೆ ಕರಲಿನ ಖಾತ್ರಿ ಕರುಸ. 61ಇನಾಹುತಿ ಮಿ ಕುಮಾರ್ತೆಯೊನೆ ನಿಂಗತ ತುನೆ ದಿವಾನಾ ತಾರಾ ಭೆನೊ ತಾರಾಮಾ ಸೆರತಾಮಾ ತು ತಾರಾ ಕೆಟ್ಟ ವಾಟೊನೆ ಸ್ಹೆಂ ಕರಲಿನ ಸರಮಾಸಿ; ಆಂ ಮಾರಿ ದಯಾ ತಾರಾ ಪಾಚಲಿ ಒಡಂಡಿಕೆನು ಫಲ ನ್ಹವೈ. 62ಮಿ ಎ ಒಡಂಬಡಿಕೆನ ತಾರಾ ಕ್ಹಾತೆ ಕರಿಲಿವಾನೆ ಮಿಜ ಯಹೊವಾ ವ್ಹೈ ಕೈನ ತುನೆ ಗೊತ್ತ ಥಾವಸ; 63ಮಿ ತಾರಾ ಕೆಟ್ಟ ಕಾಮೊನೆ ಕ್ಹಾರಾ ಮಾಫ ಕರಲ್ಪರ ತು ತೆ ಕ್ಹಾರಾವೊನೆ ಸ್ಹೆಂ ಕರಿನ ಸರಮೈನ ತಾರಾ ಅವಮಾನನಾ ನಿಮಿತ್ತ ಹಜಿ ಮ್ಹೊಡು ಕ್ಹೊಲ್ಯಾವಾಚಿ ರ‍್ಹಶಿ ಆಂ ಕರ್ತಾ ಥಯಲ ಯಹೊವಾನಿ ವಾತ ವ್ಹೈ.