ಸಬ್ಬತ ದಿನಮಾ ಹತ ಅರಾಮ ಥಯಲ ಮನಕ್ಹ
(ಮತ್ತಾಯ 12:9-14; ಮಾರ್ಕ 3:1-6)
6ವರಿ ಯಕ್ಕ ಸಬ್ಬತ್ ದಿನಮಾ ಯೆಸು ಸಬಾಮಂದಿರಮಾ ಗೈನ ಉಪದೆಶ ಕರ್ತಾಮಾ ತ್ಯಾ ಯಕ್ಲೊ ದಾಣಗೊ ಸಿದಾ ಹತ ಕುಕ್ಹೈ ಗಯಲವಾಲೊ ತ್ಯಾ ವ್ಹತ್ತೊ. 7ಯೆಸು ತಿನೆ ಸಬ್ಬತ್ ದಿನಮಾ ಅರಾಮ ಕರ್ಯೊಮ ತಿಪರ ತಪ್ಪ ಘಾಲಿಯೆ ಕೈನ ಫರಿಸಾಯರೊ ವರಿ ಶಾಸ್ತ್ರಿಯೊ ಟೈಮ ದೆಕಾಡಾತಾ. 8ವರಿ ತ್ಯುನಿ ವಿಚಾರ ಯೆಸುನೆ ತಿಳದಿತಿ. ಯೆಸು ಹತ ಕುಕ್ಹೈ ಗಯಲವಾಲಾನೆ"ತು ಐನ ನ್ಹಾ ಹುಬ್ರೆ "ಕದ್ಯೊ. ತೆ ಉಟಿನ ಐನ ಹುಬ್ರಯೊ. 9ತೆಳಾಮಾ ಯೆಸು ತ್ಯುನೊನೆ"ಸಬ್ಬತ ದಿನಮಾ ಕಯು ಕಾಮ ಕರಾನು ಚೊ಼ಕು ವ್ಹೈ? ಚೊ಼ಕು ಕಾಮ ಕರಾನು ಸು ಕೆಟ್ಟಕಾಮ ಕರಾನು ಚೊ಼ಕು ವ್ಹೈ? ಜ಼ಲಮ ವಚಾ಼ಡಾನು ಸು? ಜ಼ಲಮ ಕಾಡಾನು? ಕೈನ ಪುಚ್ಯೊ. 10ಯೆಸು ತಿನಾ ಸುತ್ತೆ ಹುಬ್ರಯಲವಾಲಾವೊನೆ ದೆಕಿನ, ತೆ ಮನಕ್ಹನೆ, ಯೆಸು "ತಾರೊ ಹತ ಅಗೊ ಕರ" ಕದ್ಯೊ. ತೆ ತಿನೊ ಹತ ಅಗೊ ಕರ್ಯೊ. ತೆಳಾಮಾಜ಼ ತಿನೊ ಹತ ಅರಾಮ ಥಯೊ.
11ಫರಿಸಾಯರೊ ವರಿ ಶಾಸ್ತ್ರಿಯೊ ಘನ್ನಾ ಶಿಟ್ಟ ಥೈನ. ತ್ಯುನೆ "ಅಪೆ ಕೈ ಉಪಾಯಕ್ಹು ಯೆಸುನೆ ಸು ಕರಿಯೆ? ಕೈನ ತ್ಯುನೊ ತ್ಯುನೊಮಾಜ಼ ಬೊಲ್ಲಿವಾಡ್ಯಾತಾ. (ಪ್ಯ್ಲಾನ ಕರಾಡಾತಾ)
