ನ್ಹಾನು ಬಾಕಲ
(ಮತ್ತಾಯ 7:13-14)
22ಯೆಸು ಕ್ಹಾರಾ ಖೆಡಾವೊಪರ ವರಿ ಗಾಮೊಪರ ಉಪದೆಶ ಕರತೊ ಯೆರೊಸೆಲಿಮೆ ಚಾ಼ಲ್ಯೊತೊ. 23ತೆ ದಿನಮಾ ಯಕ್ಲೊ ಯೆಸುನೆ"ಸ್ವಾಮಿ ದಕ್ಹಾ ಮನಕ್ಹೊ ರಕ್ಷಣೆ ಹೊಂದಸ ಕ್ಹಾಲಿ ದಕ್ಹಾ ಮನಕ್ಹೊ ಸು? ಕೈನ ಪುಚ್ಯೊ. 24ತೆ ವಾತೆ ಯೆಸು ಸ್ವರಗೆ ಜಾ಼ವಾನು ಅಗ್ದಿ ನ್ಹಾನಾ ಬಾಕಲಮಾತಾ ಜಾ಼ವಾನಾ ಹುತಿ ತ್ರಾಸ ಖಾವೊ! ಘನ್ನಾ ಮನಕ್ಹೊ ತ್ಯಾ ಜಾ಼ವಾನೆ ಕೊಶಿಶ ಕರಸ, ತೆನೈಸೊ ತ್ಯುನೊಕನ ಥಾತು ನೈ. 25ಘರನೊ ಮಾಲಕ ಉಟಿನ ಬಾಕಲ ಝಾಕಲ್ಪರ, ತುಮೆ ಭಾರಾ ಹುಬ್ರೈನ ಖಾಲಿ ವಜಾ಼ಡು, ವಜಾ಼ಡ್ಯಾ ತಬಿ ತೆ ಮಾಲಕ ಬಾಕಲ ಕಾಡ್ತೊ ನೈ. ಸ್ವಾಮಿ ಹಮಾರಾಹುತಿ ಬಾಕಲ ಕಾಡ! ಕೈನ ತುಮೆ ಕವೊಸಿ. ತೆ ಮಾಲಕ ತುಮೊನೆ ತುಮೆ ಕುನ್ನ ವ್ಹೈ. ಮನೆ ಗ್ವತ್ತ ನತ್ತಿ. ತುಮೆ ಕಿಜ಼ಗಾನಾ ವ್ಹೈ? ಕೈನ ಕವಸ. 26ತೆಳಮಾ ತುಮೆ ಹಮೆ ತಾರಾ ಕ್ಹಾತೆ ಖಾದಲವಾಲಾ ವ್ಹೈ. ವರಿ ಪಿದಲವಾಲಾ ವ್ಹೈ. ತು ಹಮೊನೆ ಉಪದೆಶ ಕರಲವಾಲೊ ವ್ಹೈ. ಕೈನ ಕವೊಸಿ. 27ತೆಳಾಮಾ ತೆ ತುಮೊನೆ, ತುಮೆ ಕುನ್ನ ವ್ಹೈ. ಮನೆ ಗ್ವತ್ತ ನತ್ತಿ, ತುಮೆ ಕಿಜ್ಗಾ಼ನಾ ವ್ಹೈ. ನ್ಹ್ಯಾಂತ್ತಾ ಗೈಪಡೊ. ತುಮೆ ಪಾಪನು ಕಾಮ ಕರಾಲಾ ಮನಕ್ಹೊ ವ್ಹೈ. ಕೈನ ಕವಸ.
28"ಅಬ್ರಹಾಮ,ಯಾಕೊಬ, ಇಸಾಕ ವರಿ ಕ್ಹಾರಾ ಪ್ರವಾದಿಯೊ ಕ್ಹುದಾನಿ ರಾಜ್ಯಮಾ ರ್ಹಯಲ ತುಮೆ ದೆಕೊಸಿ. ವರಿ ತುಮೊನೆ ಭಾರಾ ಘಾಲಾಲಗಾಡಸ. ತೆಳಾಮಾ ತುಮೆ ಭುಚಿ಼ಕಿನ ವರಿ ಸಿಟ್ಟಕ್ಹು ವದ್ರೊಸಿ. 29ಮನಕ್ಹೊ ಪುರವತಾ, ಪಶ್ಚಿಮ, ಉತ್ತರ, ದಕ್ಕಷಿಣತಾ ಆವಸ. ತ್ಯುನೆ ಕ್ಹುದಾನಿ ರಾಜ್ಯಮಾ ಖಾವಾನೆ ಬೈಟಸ್. 30ಹಮ್ನಾ, ಲಾಸ್ಟೆ ರ್ಹಯಲ ವಾಲಾ ದಕ್ಹಾ ಜ಼ನಾ ಪಸ್ಟ ಥಾವಸ, ಪಸ್ಟ ರ್ಹಯಲವಾಲಾ ಲಾಸ್ಟೆ ಥಾವಸ"
