ಸಬ್ಬತ ದಿನಮಾ ಅರಾಮ ಕರಾನು ಚೊ಼ಕು ವ್ಹೈಸು?
1ಯಕ್ಕ ಸಬ್ಬತದಿನಮಾ ಯೆಸು ಖಾಸ ಫರಿಸಾಯನಾ ಘರಮಾ ಖಾವಾನೆ ಗಯೊ. ತ್ಯಾ ರ್ಹಯಲ ಮನಕ್ಹೊ ಯೆಸುನೆ ಯಕ್ಕ ಸಂವಾ ದೆಕಾಡಾತಾ. 2ತೆಳಾಮಾ ಯೆಸುನಾ ಕ್ಹಾಮಾ ಜಲೊದರ ರೊಗರ್ಹಯಲವಾಲಾನೆ ಲೈನ ಬೈಟಾಡ್ಯಾ. 3ಯೆಸು ಫರಿಸಾಯರೊನೆ ಧರಮೊಪದೆಶ ಕರಾಲಾ ಶಾಸ್ತ್ರಿಯೊನೆ"ಸಬ್ಬತ್ ದಿನಮಾ ರೊಗಿಯೊನೆ ಅರಾಮ ಕರಾನು ಚೊ಼ಕು ವ್ಹೈಸು? ಸು ತಪ್ಪ ವ್ಹೈ? ಕೈನ ಪುಚ್ಯೊ.
4ತ್ಯುನೆ ಸುಜ಼ ಕದ್ಯಾ ನೈ. ತೆಳಾಮಾ ಯೆಸು ರೊಗ ರ್ಹಯಲ ಮನಕ್ಹನೆ ಮುಟ್ಟಿನ ಅರಾಮ ಕರಿನ ತಿನೆ ಮೊಕ್ಕಲಿಪಾಡ್ಯೊ.
5ಯೆಸು ಫರಿಸಾಯರೊನೆ ವರಿ ಶಾಸ್ತ್ರಿಯೊನೆ"ಸಬ್ಬತ್ ದಿನಮಾ ತುಮಾರಾ ದಿಕ್ರಾನೆ ತುಮೆ ರಾಕಲ ಪಶುವೊನೆ ಇರಮಾ ಪಡಿಗಯಾಮ, ತೆಳಾಮಾಜ಼ ತುಮೆ ತ್ಯುನೊನೆ ಇರ ಮಾತಾಭಾರಾ ಕಾಡಿನ ವಚಾ಼ಡೊಸಿ ಕವಾನು ತುಮೊನೆ ಗ್ವತ್ತ ಛೆ "ಕದ್ಯೊ. 6ತೆ ವಾತೆ ಫರಿಸಾಯರೊ ರ್ಹೈನೆಕಾ ಶಾಸ್ತ್ರಿಯೊ ರ್ಹೈನೆಕಾ ಜವಾಬ ದಿದ್ಯಾ ನೈ.
