माणसां की आज्ञाकारिता
12फेर शालतीएल के बेट्टे जरुब्बाबेल अर यहोसादाक के बेट्टे यहोशू महायाजक नै सारे बचे होए माणसां समेत अपणे परमेसवर यहोवा की बात मान्नी; अर जो वचन उनके परमेसवर यहोवा नै गुलाम्मी तै बोहड़े होए माणसां तै कहण कै खात्तर हाग्गै भविष्यवक्ता ताहीं भेज दिया था, उस ताहीं उननै मान लिया; अर माणसां नै यहोवा का भय मान्या। 13फेर यहोवा के दूत हाग्गै नै यहोवा तै हुकम पाकै उन माणसां तै न्यू कह्या, “यहोवा की या वाणी सै, मै थारे गैल सूं।” 14अर यहोवा नै शालतीएल के बेट्टे जरुब्बाबेल ताहीं जो यहूदा का अधिपति था, अर यहोसादाक के बेट्टे यहोशू महायाजक ताहीं, अर सारे बचे होए माणसां के मन ताहीं उभार कै उत्साह तै भर दिया के वे आकै अपणे परमेसवर, सेनाओं के यहोवा के भवन नै बणाण म्ह लागगे। 15यो दारा राजा के राज्य के दुसरे साल के छठवें महिन्ने के चौबीसवें दिन होया जिब राजा दारा राज करै था।
