यीसु मत्ती के बुलाइस
(मरकुस 2:13-17; लूका 5:27-32)
9यीसु जब उहां लग आगू बढथै,
ता ऊ मत्ती नाम कर अक्ठी मनसे के पइसा उगाहै बाले चबुतरा हे बइठे हर देखथै, ऊ ओखर लग कथै, “मोर पाछू आ” ऊ उठके ओखर पाछू हुइ लइस।
10जब यीसु मत्ती के घर हे खाना खाय के निता बइठथै, ता बोहत लग पइसा उगाहै बाले अउ पापी मनसे चेलन के संग खाना खाइन। 11हइ देखके फरीसी मनसे यीसु के चेलन लग पूछथै, तुम्हर गुरू पइसा उगाहै बाले अउ पापिन के संग खाना काखे खथै?
12हइ बात सुनके यीसु उनखर लग कथै, “निक्खा मनसे के गुनिया के जरूरत नेहको होथै, पय नंगहा मनसेन के जरूरत होथै। 13अब तुम जा अउ हइ किस्सा के मतलब समझा, मै बलि नेहको चाहथों बलुक दया चाहथों, काखे धरमी मनसेन के निता नेहको पय पापिन के बुलामै आय हव।”
