Yesu kawashema walowa wamsheshi wa wasomba
Mariku 1:16-20; Luka 5:1-11
18Yesu pakaweriti kankugendagenda kumbeku kulitanda lya Galilaya, kawawoniti walongu wawili yawaweriti walowa wa wasomba, Simoni yawamshema Peteru na mlongu gwakuwi Andereya, waweriti wankulowa wasomba mulitanda kwa wavu. 19Yesu kawagambiriti, “Munfati, naneni hanuwatendi mwenga muweri walowa wa wantu.” 20Kamukamu hera wazilekiti nyavu zyawu, wamfatiti.
21Pakagenditi kulongolu kidogu, kawawoniti walongu wamonga wawili, Yakobu na Yohani, wana wa Zebedayu. Waweriti wa mumtumbwi pamuhera na tati gwawu Zebedayu wankuzinyawa nyavu zawu. Yesu kawashemiti, 22palaa palii waguleka mtumbwi pamuhera na tati gwawu na wamfatiti.
