O Isus vaćarol taro porezi e carose
(Mk 12,13–17; Lk 20,20–26)
15Tegani e fariseja đele thaj dogovorisajle sar te dolen e Isuse ano lafi. 16Bičhalde ko Isus pe sikaden thaj e Irodese manušen thaj phende lese: “Učitelju! Džana kaj vaćare čačipe thaj sikave e Devleso drom ano čačipe, ni obaziri tu pe khanikaste, golese so ni dićhe ko si ko. 17Vaćar amenđe so tu misli: Trubul li te da porezi amen e Jevreja e rimskone carose il na?”
18Haljarda o Isus so von bilačhe dije gođi thaj phenda lenđe: “Tumen dujemujenđe! Sose ćeren manđe zamka? 19Sikaven manđe i poresko parava.”
Thaj von ande lese dinari. 20O Isus pučlja len: “Kaso si muj thaj alav ke kala pare?”
21Vaćarde lese: “E caroso.”
Tegani vov vaćarda lenđe: “Den e carose so si e caroso, a e Devlese so si e Devleso.”
22Kana šunde le, divisajle, ačhade le thaj đele.
