ራጂ ሞቲ ጢሮሲን ሞርሙዻን ዱበተሜ

1ኤርገሲ ዱቢን ዋቀዮ አከነ ጄዼ ገረኮ ዹፌ፦ 2“ያ እልመ ነማ፣ ቡልቻ ጢሮሲን አከነ ጄዽ፤ ‘ዋቀዮ ጎፍታን አከነ ጄዸ፦

“ ‘አት ኦፍ ቱሉማ ገራኬቲቲን፣

“አን ዋቀ፤

አን ሀንዹረ ገላና ኬሰ፣

ቴሶ ዋቃረ ነንታአ” ጄቴ።

ቀሮ አከ ዋቃ ኦፍ ሴቱዩ፣

አት ነመ መሌ ዋቀ ምት።

3አት ዳንኤል ጫላ ኦጌሳ?

እጪቲን ቶኮዩ ስ ጀላ ህንዾከቱ?

4አት ኦጉማፊ ሁበትናኬቲን

ቀቤኘ አርገቴርተ፤

ወርቄፊ ሜቲ

መንኩሳኬ ኬሰት ኩፈቴርተ።

5አት ኦጉማ ጉዳ ደልደለ ኬሰት ቀብዱን

ቀቤኘኬ ባይእፈቴርተ፤

ሰበቢ ቀቤኘኬቲቲፍሞ

ገራንኬ ኦፍ ቱሉማዻን ጉተሜረ።

6“ ‘ከናፉ ዋቀዮ ጎፍታን አከነ ጄዸ፦

“ ‘ሰበቢ አት ቀሮ አከ ዋቃ

ኦፍ ሴቱፍ፣

7አን ነሞተ ብየ ኦርማ

ሰቦተ አከ መሌ ገረ ጀቤዪ ስት ነንፍደ፤

እሳን ጎራዴሳኒ ሚዸግነኬቲፊ ኦጉማኬት ሉቅፈተኒ

ኡልፍነኬ ጉዳ ሰነ በሌሱ።

8እሳን ቦለ ኬሰ ስ ቡሱ፤

አትስ ገራ ገላና ኬሰት

ዱአ ሀማ ዱተ።

9ዮስ አት ፉለ ወረ ስ አጄሰኒ ዱረት፣

“አን ዋቀ” ንጄታ?

አት ሀርከ ወረ ስ ጎረአኒ ኬሰት

ነሙመ መሌ ዋቀ ምት።

10አት ሀርከ ነሞተ ብየ ኦርማት

ዱአ ነመ ዸግነ ህንቀበትኒ ዱተ።

አን ዱበዼረ፣ ጄዸ ዋቀዮ ጎፍታን።’ ”

11ዱቢን ዋቀዮ አከነ ጄዼ ገረኮ ዹፌ፦ 12“ያ እልመ ነማ፣ ዋኤ ሞቲ ጢሮስ ፋርሲ ቦኢቲ አከነ ጄዺን፦ ‘ዋቀዮ ጎፍታን አከነ ጄዸ፦

“ ‘አት ፈኬኘ ጉቱማት፤

ኦጉማዻን ጉተምቴርተ፤ ሚዸግናንስ ህርእነ ህንቀብዱ።

13አት እዶ ብቅልቱ ዋቃ፣

ኤዴን ኬሰ ቱርቴ፤

ዸጋወን ገት ጀቤዪን ሁንድ ስ በሬቹ፤ እሳንስ፦

ሉለ ዲማ፣ ቶጳዝዮን፣ አልማዚፊ መረግድ፣

ክርሶሊጦስ፣ ሰርዶንክሲፊ ያስጲድ፣

ሰንፔር፣ በሉሪፊ ቢረሌ።

ድረትንኬቲፊ ፋይንኬ ወርቄራ ቶልፈመን፤

እሳንስ ጉያ አት ኡመምቴ ቆጴፈመን።

14አት ኪሩቢ ዋ ኤጉ ታቴ ድበምቴ፤

አንስ ከኑማፈን ስ ሙዴ።

አት ቱሉ ዋቃ ቁልቁልቸ ሰነረ ጅራቴ፤

ዸጋወን እብዳ ግዱስ ዴዴብቴ።

15አት ጋፈ ኡመምቴ ጀልቀብዴ

ሀመ ጋፈ ሀምን ስ ኬሰት አርገሜት

ጅሬኝኬ ህርእነ ህንቀቡ ቱሬ።

16በበልእነ ደልደለኬቲቲን

ጎሊዻን ጉተምቴ ጩቡ ሆጄቴ።

ከናፉ ያ ኪሩቢ ኤጉምሳ፣

አን ቱሉ ዋቃራ

ዸጋወን እብዳ ግዱዻ

ስ ሰልጵሴ አርኤን ስ ባሴ።

17ሰበቢ ሚዸግነኬቲቲፍ፣

አት ኮርቴርተ፤

ሰበቢ ኡልፍነኬቲቲፍ፣

ኦጉማኬ በሌስቴ።

ከናፉ አን ገረ ለፋተን ስ ደርበዼ፤

ፉለ ሞቶታ ዱረትስ ዋን ኮልፋን ስ ጎዼ።

18አት ጩቡኬ ሄዱፊ ሸቀበ ደልደለኬቲቲን

እዶወንኬ ቁልቁሉ ጡሬስቴርተ።

ከናፉ አን አከ እብድ ስ ኬሳ በኡ ነንጎዼ፤

እንስ ጉቤ ስ ፍጤ፤

አንስ ፉለ ነሞተ ስ እላላ ቱረን ሁንዳ ዱረት

ለፈረት ዳራን ስ ታስሴ።

19ሰቦትን ስ ቤከን ሁንድኑ

ስ አርገኒ ርፈተን፤

ዹምንኬ ሱከኔሳ ተኤረ፤

አት ስአች በረ በራን ንዸበምተ።’ ”