यीशुन आहख एने बाहख
(मरकुस 3:31-35; लुका 8:19-21)
46जेवी यीशु माणहा हिऱ्यो वातु केरतालोस तोलाक माय तान आहख एने बाहख बाहेर उबरियेल एता, ता यीशु हेऱ्या वातु केरने होदताला। 47तेवी एक जाण यीशुह केयो, “देख, तारी आहख एने तार बाहख बाहेर उब रेनाह, एने तुवा हेऱ्या वातु केरने होद्तेह।”
48यीशु ताह जापाप आप्यो, “कुण हे मार आहख? एने कुण हे मार बाहख?” 49यीशु तान चेलान उगे आथ देखाड़ीन केयो, “दिखो! मारी आहख एने मार बाहख ज्या हेते! 50काहाकाय जो कुण मार हेरगावाला आबाख ने मोरजी पोर चाली, तोस मार बाहख, एने मार बोणीख, एने मारी आहख हे।”
