अभिषेक क तेल

22ओलतेन योहोवा न मुसा सि कोयो, 23“तु वारु सी वारु गोंदायन्या मोसाला ले, यानी चुखलाजागा क शेकेल क ओनसारे पाच सोव शेकेल आपने आप निकाळ्यो हुयो गोंदायनीयो रस, आरु ओक आधो, यानी ढाई सोव शेकेल गोंदायन्यो मोसालाम वाळो झाड़ोन पुपड़ो, आरु ढाई सोव शेकेल गोंदायन्यो अगर मसालो, 24चुखला स्थानक तेलक अनसारे छोव कीला तेजपान आरु चार लीटर जैतुनन तेल लेनु। 25हेनुसी आंगे कोरलो चुखलो तेल, यानी गन्दायनीयान रीती सी तीयार कोर्‌यो हुयो गोंधायन्या तेल बोनावनो; यो अभिषेक क चुखो तेल कोहाये। 26आरु हेरेसी मिलापवाळा तम्बु क, आरु गोवान चीट्ठी सन्दुक क, 27आरु आखा सोमान भेळ टेबलन, आरु सोमान भेळ भीतन, आरु धुपवेदीन, 28आरु आखा सोमान भेळ होमबली, आरु पाया भेळ मोटला तोपलान को सजाय देजो, 29आरु ओक चुखो कोरनो, जेरेसी हुयो परम चुखलो कोहाये; आरु ज काय हेरेसी छिम्यो जासे त्यो चुखो होय जासे। 30ओळी हारुन क हेका पुया क सात अभिषेक कोरनो, आरु ओस कोरीन हेनुक मारे लीय याजक क काम करने क लीय चुखो कोरनो। 31आरु इसराएलीयो क मारी यी हुकुम सोमवाड़नो, यो तेल तुमरी पीढ़ी पीढ़ी मा मारे लीय चुखो कोरलो तेल होयसे। 32यो कुदा मानुस क डिल पोर नी नाख्यो जाय, आरु मिलावट मा ओक जसो आरु काई नी बोनजो; यो चुखलो छे, यो तुमरे लीय वी चुखलो होयसे। 33ज काई ओक जसो काई बोने, एने जो कुदु एरेम सी काई पारका कुलवाळा पोर लागाड़े, हुये आपना मानसो मा सी नाश होय जासे।”