चुखला तम्बु क लीयन भेंट
(नीरगमन 25:1-9)
4ओळते मुसा इसराएलीयान सारी मण्डळी सी कयो, “जीनी वातन हुकुम योहोवा भगवान आपलो छे त्या यी छे। 5तुमरे जुळ रयीन योहोवा भगवान क लीयन भेट लेय, मतलब जतरा बी आपसी राजी मरजी सी आपनो चाहे त्या योहोवा भगवानन भेट करीन यी चीज ली आवे; मतलब सोनो, रुप्या, पीतळ; 6नीळ्ळा, जामनीया रंगन आरु रातला रंगन छिंदरा, सुवाळा छिंदरा, बकड़ान झटा, 7रातला रंगो सी रंगायली गाडरान खालड़ा, आरु सुईसो नावोन मोटला माछान खालड़ा; बाबळीयान लाकड़ा, 8वीजाळो आपने करीन तेल, पवीत्र कोरलो तेल, आरु धूद देने करीन वारु गंधायने वाळी चीज, 9ओळी एपोद आरु छाती पोर बांदनीया क लीयन सुलेमानी मणिया आरु लगाड़नेन मणि।
