O Isus sikavel palo jartipe
21Askal o Petar avilo ko Isus thaj phendas lešće: “Gospode, kozom drom te jartosarav mungre phralešće savo sagrešisardas protiv mande? Dži ke efta drom?”
22A o Isus phendas lešće: “Na samo efta drom, nego efta drom po eftavardeš!
23O Carstvo nebesko si sago kana o caro kamel te poravnil e računurja pire slugenca.
24Thaj kana teljardine te ćeren obračun, andine leste jećhe savo sas lešće udžile deš milje gone sunakaj. 25Sar o manuš našti boldelas o dugo, o caro zapovedisardas te bićinen les zajedno lešće romnjasa thaj lešće čhavrenca thaj sa okoleja so sas len thaj gajda te podmirin o dugo.
26O sluga pe godova pelas anglo caro pe koča e mujesa dži ke phuv thaj zamolisarda les: ‘Av strpljivo manca thaj sa boldava tuće!’ 27O caro sažalisajlo pe leste, oslobodisarda les thaj jartosardas lešće o dugo.
28Ali kana godova sluga inkljisto avri, maladas pire drugares, avre slugos, savo sas lešće udžile cara love. Astarda les pale kor thaj počnisarda te tasavel les, thaj phenelas lešće: ‘Bolde manđe so san udžile!’
29O drugari lesko pelo angle leste pe koča e mujesa dži ke phuv thaj zamolisarda les: ‘Av strpljivo manca thaj boldava tuće!’ 30A vo či kamlas te ažućarel, nego inđarda les thaj čhuda les ande tamnica dok či boldel o dugo.
31Kana e aver sluge dikhline so dogodisajlo, zurale ražalostisajle thaj đeletar ko caro thaj obavestisardine les so sas. 32Pe godova o caro akhardas e slugos savešće jartosardas thaj phendas lešće: ‘Bilačho slugona! Me tuće jartosardem sa so sanas manđe udžile zato kaj zamolisardan man! 33Zar či vi tu trubujanas te smiluis tut ćire drugarešće sago kaj me smiluisajlem tuće?’ 34Askal o caro holjajlo thaj predaisarda les e mučiteljenđe dok či boldel sa o dugo.
35Gajda vi mungro nebesko Dad ćerela tumenca, ako či jarton tumare phralešće saste ileja.”
