ፓስጋ ባላነ ኡክ ባላ ያርሾቱዋ
(ዎጋ 23:5-14)
16“ ‘ኮይሮ አግናን ታማነ ኦይደን ጋላሳይ መና ጎዳ ፓስጋ ቦንችያ ጋላሳ ግዶ። 17ቃይ ሄ አግናንካ ታማነ እቼሸን ጋላሳን ዶሚደ፥ ኡክ ባላይ ቦንቼቴ፤ ሄዋ ድራዉ፥ ላፑን ጋላሳቱዋን እርሹ ገልቤና ኡክ ሚተ። 18ሄ ጋላሳቱዋፐ ኮይሮ ጋላሳን ጌሻ ሺቁዋ ሺቅተ፤ ዳቡርስያ ኦሶ አያነ ኦፕተ። 19ላኡ ኮሩማቱዋ፥ እት ዶርሳ ኦርግያነ እት ላይ ግዴዳ ላፑን ዶርሳ ኦርገቱዋ፥ ኡባይካ ትላ ቦላና ደእያዋንታ፥ ታማን ያርሽያ ያርሹዋ ኦደ፥ መና ጎዳዉ ያርሽተ። 20ካ ያርሾ እት ኮሩማና ዛይትያን ሙናቀቴዳ ሄዙ ኪሎ ግራመ ግድያ ሙሩታ ዛርጋ ልያ፥ እት ዶርሳ ኦርግያና ላኡ ኪሎ ግራመ ግድያ ልያነ 21ላፑን ዶርሳ ማራቱዋፐ እት እት ማራና እት ኪሎ ግራመ ልያ ያርሽተ። 22ቃይ እት ዴሻ ኦርግያ ናጋራ ያርሾ፥ ህንተ ናጋራ አቶ ጊሳናዉ ያርሽተ። 23-24ሀቼ ሀች ዎንታ ጹግያ ያርሹዋነ አ ካ ያርሹዋ ቦላ፥ ሳዉዋ ቶሹኩ ግያ ቁማ ታማን ያርሽያ ያርሹዋ ጉጂደ፥ መና ጎዳዉ ያርሽተ። ላፑን ጋላሳዉ ሄዋዳን ኦተ። 25ላፑን ጋላሳን ቃይ ጌሻ ሺቁዋ ሺቅተ፤ ዳቡርስያ ኦሶ አያነ ኦፕተ።
