Mulima wevapewili vandu va likabila la Simioni
1Gudugudu ya pili yaligwilili likabila la Simioni lukolo kwa lukolo. Pandu pa ndima yavi pevapewili, pavii mugati ya mulima wa Yuda. 2Vandu va likabila Simioni vapewili miji ya Beeli Sheba na Molada, 3na muji wa Hasali shuali na muji wa Bala na muji wa Esemu, 4na muji wa Elitoladi na muji wa Betuli na muji wa Holima, 5na muji wa Sikilagi na muji wa Beti Malikaboti na muji wa Hasali Susa, 6na muji wa Beti Lebaoti na Shaluheni. Miji yoha yavapewili yavii kumi na hidatu pamonga na hijiji yaki.
7Mewa vapewili na muji wa Aini na muji wa Limoni na muji wa Eteli na muji wa Ashani. Miji yoha yavapewili yavii mcheche pamonga na hijiji yaki. 8Pamonga na hijiji yoha vyeyayitindili miji yeniyo mbaka ku Baalati Beeli amala Lama yeyivi kusini. Pandu penapo poha vapepewili vandu va likabila la Simioni kuvya pavi lukolo kwa lukolo. 9Ndava muni vandu va likabila la Yuda vapewili mulima uvaha neju ya chila chevaganili, hinu pandu pa mulima wenuwo pepasigalili, vapewili vandu va likabila la Simioni.
