Yoshua na Eleazali vihova
29Pegamaliki mambu genago, Yoshua mtumisi wa Bambu Chapanga mweavi mwana wa Nuni, akafwa lukumbi peavii na miyaka miya yimonga na kumi. 30Na vene vakamuzika pandu peapewili pavya paki, ku Timnati Sela mumulima wa vitumbi vya Efulaimu kukasikazini ya chitumbi cha Gaashi.
31Vaisilaeli vamuhengili Bambu Chapanga mu lukumbi lwoha lwa wumi wa Yoshua, na peafwili vayendalili kumuhengela kwa lukumbi lwevatamili vala vagogo vevalolili kwa mihu gavi mambu gala Bambu Chapanga geavahengili Vaisilaeli.
32Mahupa ga Yosefu gevaletili Vaisilaeli kuhuma ku Misili ndi vagazikili ku Shekemu pandu peagulili Yakobo kuhuma kwa vana va Hamoli dadi wa Shekemu, kwa hipandi miya yimonga ya madini feza. Ndima yeniyo yavii ya viveleku vya Yosefu.
33Na mwene na Eleazali mwana waki Aloni akafwa ndi vakamuzika ku Gibea, muji weapewili mwana wa Finehasi, wewavi kumulima wa vitumbi wa Efulaimu.
