Kuvikwa kwa hahi
1Bambu Chapanga amjovili Musa, 2“Umjovela Aloni kuvya lukumbi peivika hahi saba zila pachituvilu, azipanga muni zilangasa upandi wa kulongolo pa chindu cha kuvikila hahi chenicho.” 3Aloni akayidakila malagizo genago, akazivika hahi zenizo muni zilangasa upandi wa kulongolo wa chituvilu, ngati Bambu Chapanga cheamlagizi Musa. 4Chendu chenicha cha kuvikila hahi chechatenganizwi, chatenganizwi kwa zahabu yeyakitiwi lufumbu, kutumbula kuchitamilu chaki mbaka ku maluva gaki. Chindu cha kuvikila hahi chatenganizwi kulandana na malagizu ga Bambu geampelili Musa.
