मकिदुनिया अदिक अखाया दा पौलुस
1याग दंगा थामसेत रा पौलुस चेलागोळी कारसुसकु हिम्मत वाळुसदुन, अदिक आंदुर से सार आगकु मकिदुनिया अन्द दी होटोदुन. 2आ सप्पा प्रदेश दा टु आगकु अदिक चेलागोळी हापाळ उत्साहीत माळकु आव अखाया दा बंदुन. 3याग मुर तिंगुळ ईतकु आव अल टु जहाज मा सीरिया अन दी होगोन, रा यहूदी आऊक कोनली ताक दा हतकु ईरोर, इदुरसाटी आव ईद निश्चय माळदुन कि मकिदुनिया आगकु वापस आगेगुल. 4बिरीया अन्द पुर्रुस उन पार सोपत्रुस अदिक थिस्सलुनीके अन्द अरिस्तर्खुस अदिक सिकुन्दुस, अदिक दिरबे अन्द गयुस, अदिक तीमुथियुस, अदिक आसिया अन्द तुखिकुस अदिक त्रुफिमुस आसिया ताका आऊन सांगुळ ईरोर. 5आंदुर मुंद होटोदुर अदिक त्रोआस दा नाम हादी कायतेला ईत्तुर. 6अदिक नाव अखमीरी रोट्टी इन हाब्ब खतम आगदुर बाद्दा फिलिप्पी टु जहाज देल होटकु अईद दिन इन बाद्दा त्रोआस दा बंदकु आंदुर से मुलाकात माळदेव, अदिक ऊंद हप्ता अल्या ईत्तेव.
