Atötö Yësu
21Kora maako ta Sayirini ru mo Simona 'bu 'ba Alekazende nnï Rafosa aba, ëdï laga ta dakapa, da gërï 'bënï tëmï daliŋɔ zi gawo, zë o'dɔnnï mo na wehe zi kïnjë taka. 22Zë ikannï Yësu bi mati ako'jo Gɔlɔgota, mï me'do ne iya henye, “Bi 'ba Yingɔ Da.” 23Zë ï'dïnnï zi mo a'ji asusë mayiri aba, mora mo uwë dë. 24Zë atötönnï mo. Ayanyannï mï bɔngɔ 'bɔmo, zë u'dunnï födö aba zi kongɔ a'di ra vïdï ma kölö akoba. 25Ëdï kadra wota aba mati zë atötönnï mo. 26Wayöru 'ba wasusu rɔ mo ako'jo henye, “Vo damöku 'ba Yuda'e.” 27-28Zë atötönnï vo wakolɔ rïyö mo aba, ma kölö da kala mo ma tïrï, ma kölö da kala mo ma gali. 29Zë ma alagannï ta dakapa alidinnï mo, dë nnï njili aba iyannï henye. “Here! Yï ra vïdï mati omba tï'bë zi yaŋa yëkëlu ko'ba mo ko'do wota aba ne, 30ayi kaŋo ta da taka ayɔmɔ rë yï!” 31Mï gërï kölö ne kyedre 'ba vo karasa'e, vo komoyandi 'ba kö'dukï'dï o'dɔnnï 'dölö rɔ mo tëmï kutë nnï. Zë iyannï henye, “Mo ayɔmɔ agamo'e, mora mo ɔ'bɔ dë yɔmɔ rë nï! 32'Bï'dï Kurïsïtö nenye, vo damöku 'ba Yiserele nenye, ayi kaŋo yaanya aba ta da taka, zi ze kongɔ zi koma.” Zë mati atötö mo aba ne alidinnï mo kpa.
