Attu o nikosho ni Nayusufu anookhota
14Paahi attu o nikosho ni Nayusufu ahorwaa wa Nayoshua ni weerelha, “Chani woonaka nnimenlhe mpata mmoka etu wo ilhapo hii nivahiye ibarakha ni Apwiiya Nlhuku va, ata nkaanipanga ukhalha attu enchi?”
15Nayoshua nkaakhulha wo wiira, “Yakhalhaka nhenchiva thoko chiicho, ata ilhapo yo miako cho Efraimu khinoothoshani tho, paahi nrweeke etu mwiithuphini ilhapo ya attu o Uperizi ni ya Arefai, mwawuheke yeyo ithuphi iyo, mweesheke mapuro inyu wowo.”
16Ni ayo nkayaakhulhacha wo wiira, “Eiyo, wo ikekhiaye ilhapo yo miako ilha khinonithosha, ata inakhalhaka chiicho etu, attu o Ukanaani onkhaye anokhalhacha ilhapo yo uhikhalhe miako ahanaa nkukuta cho yuuma, tho, onkhaye anokhalhacha Ubethsheani vamoka ni iwani chaya, ni alhe anokhalhacha nikoote no Nayezreeli.”
17Paahi, Nayoshua aheerelha achishana a Nayusufu, yaani attu o nikosho ni Naefraimu ni Namanase wiira, “Wo ikekhiaye mwaatti nhenchiva ni o ikuru yulhupalhe. khavanlhoka wiira mpatte vakittu vamoka etu. 18Nansho tho, ilhapo yo umiakoni inokhalha yawinyu. Inakhalhaka vano iri ithuphiru, mwooheke ni uvarelha ukhalha yawinyu, toka ulha mpata ulha mpaka mpata nkina. Mwoomolhacheke attu o Ukanaani, ata anakhalhaka ihaana nkukuta cho yuuma ni attu o machiri.”
