Mĩario ya Ayubu
1Ningĩ Ayubu agĩcookeria Jehova, akĩmwĩra atĩrĩ:
2“Nĩnjũũĩ atĩ wahota gwĩka maũndũ mothe;
gũtirĩ mũbango waku ũngĩgirĩrĩka.
3Nĩworirie atĩrĩ, ‘Nũũ ũyũ ũrahithania kĩrĩra gĩakwa nĩ kwaga ũmenyo?’
Ti-itherũ ndaaririe maũndũ itaamenyete,
maũndũ ma magegania itangĩmenya.
4“Woigire atĩrĩ, ‘Thikĩrĩria rĩu, na niĩ njarie;
nĩngũkũũria ciũria, nawe nĩũkũnjookeria.’
5Matũ makwa nĩmaiguĩte ũhoro waku
no rĩu maitho makwa nĩgũkuona makuonete.
6Nĩ ũndũ ũcio nĩngwĩmena niĩ mwene,
na ndĩrire, ndĩhurĩrie rũkũngũ na mũhu.”
