ಯೋಸೆಫ್ನೆ ಫರೋಹನ ಖ್ಹೋಣ್ಯವ್ನಿ ಮತ್ಲಬ್ ಬೋಲ್ಯೋತೆ
1ಬೇ ವರಖ್ಹ್ ಹುವಾದಿನ್ ಫರೋಹನ ಎಕ್ ಖ್ಹೋಣ್ಯು ಪಡ್ಯು. ಯೊ ಖ್ಹೋಣ್ಯಾಮ ನೈಲ್ ನದ್ದಿನ ಕನಾರಿಪರ್ ಭಿಯ್ಯೋಥೊ. 2ತದೆ ಖ್ಹಾಜ಼್ಥಿ ರ್ಹವಾನಿ ಖ್ಹಾತ್ ಪಲಿಹುಯಿ ಗೈಯೆ ಯೊ ನೈಲ್ ನದ್ದಿನ ಮಹಿಥು ಆಯಿನ್ ಘಾಖ್ಹ್ ಚ಼ರಾಲಗಿಥಿಯೇ಼. 3ಇನ ಪೀಠೇಸ್ ಖ್ಹುಕ್ಲಿ ಖ್ಹಾತ್ ಬಂಕೋಡಿ ಗೈಯೆ ನೈಲ್ ನದ್ದಿನ ಮಹಿಥು ಆಯಿನ್ ಪಹಿಲೆ ದೆಖೈಯೇತೆ ಗೈಯೇಕನ ಭೀರಿಗೈಯೆ. 4ಬಂಕೋಡಿ ಗೈಯೆನೆ ಖ್ಹಾಜ಼್ನಿ ಯೊ ಪಲಿಹುಯಿ ಗೈಯೆನ ಖೈಲಿದಿಯೆ. ಎತ್ರಾಮ ಫರೋಹನ ಹೊಷಾರಿ ಹುಯಿಗಯು 5ಯೊ ಪಾಛೊ಼ ನಿಂದರ್ ಕರಾದಿನ್ ಬಿಜೇಕ್ ಖ್ಹೋಣ್ಯುಪಡ್ಯು. ಯೊ ಶಾತ್ಕತೊ ದಾಣಭರಾಯುಹುಯು ಖ್ಹಾತ್ ಮುಡ್ಕ್ಯಾನು ಪಕೇಟ್ ಬುಟ್ಟುಖ್ಹಾರು ಎಕ್ಕಸ್ ಡಂಟ್ಮ ಫುಟ್ಯು. 6ಇನ ಪೀಠೆಸ್ ಚ಼ಢ್ತಿ ಬಾಜೂ಼ನ ವಹಿರೇಥಿ ಖ್ಹುಕೈನ್, ತಶೀಗಯುತೆ ಬಿಜು಼ ಖ್ಹಾತ್ ಮುಡ್ಕ್ಯನು ಬುಟ್ಟು ಫುಟ್ತು ಆಯು. 7ಅಜು಼ ತಶೀಗಯುಹುಯು ಯೊ ಬಂಕೋಡ್ಯು ಖ್ಹಾತ್ ಮುಡ್ಕ್ಯಾನು ಬುಟ್ಟುಖ್ಹಾರು ದಾಣಭರಾಯುಹುಯು ಯೊ ಖ್ಹಾತ್ ಮುಡ್ಕ್ಯಾನ ಪಕೇಟ್ ಬುಟ್ಟಾನ ಗಳಿಲಿದು. ಎತ್ರಾಮ ಫರೋಹನೆ ಹೊಷಾರಿ ಹುಯಿನ್, ಇನೆ ದೇಖ್ಯೋತೆ ಖ್ಹೋಣ್ಯು ಕರಿ ಮಾಲುಮ್ಕರ್ಲಿದೊ. 8ವ್ಹಾಣೆಮ ಇನೊ ದಿಲ್ಮ ಕಲಾವ್ಣಿ ಹುಯಿನ್, ಈಜಿಪ್ಟ್ ದೇಖ್ಹ್ಮಥೂತೆ ಖ್ಹಾರೂಸ್ ಪೊಂಡಿತ್ನಾಬಿ ಗ್ಯಾನಿನಾಬಿ ಬುಲೈಮಂಗಾಯೊ. ಇವ್ಣುನ ಇನು ಖ್ಹೋಣ್ಯು ಬೋಲಿವತಾಳ್ಯೊ. ಯೊ ಮತ್ಲಬ್ನ ಇನ ಬೋಲಿವತಾಳವಾಳು ಕೋಣ್ಬಿ ಮಳ್ಯುಕೊಯ್ನಿ.
9ತದೆ ಪಾನದ್ಯಾವಾಳ ಆಳ್ನ ಅದಿಕಾರಿನೆ ಫರೋಹನ, “ರಾಜ಼ ಆ ವಖ್ಹತ್ ಮಾರಿ ಗಲತ್ನ ಮೇ ಮಾನಿಲೇವ್ಣು. 10ತೂ ತಾರ ಆಳ್ಪರ್ ಇರಾದೊಕರೀನ್ ಮನಾಬಿ ಯೊ ಭೋಜ಼ನ್ ಪಿಕಾವವಾಳನ ಮೋಟಾನಾಬಿ ಶಿಪಾಯಿನ ಘರ್ಮ ಕಾವಲ್ಮ ರಾಖಾನಿವಖ್ಹ್ತೆ ಹಮುನ ಭೇಜ಼ಣಾನಾಬಿ 11ಎಕ್ಕಸ್ ರಾತ್ಮ ಖ್ಹೋಣ್ಯು ಪಡ್ಯು, ಏಕೇಕ್ ಜ಼ಣಾನ ಖ್ಹೋಣ್ಯಾನ ಅಲಕ್ ಅಲಕ್ ಮತ್ಲಬ್ಥು. 12ಹಿಜ್ಜಾ಼ ಹಮಾರಿ ಜೋ಼ಡ್ಮ ಇಬ್ರಿಯವಾಳೊ ಎಕ್ ಜ಼ವಾನಿಥೊ; ಯೊ ಶಿಪಾಯಿನೊ ಆಳ್. ಹಮೆ ಇನ ಹಮಾರ ಖ್ಹೋಣ್ಯಾನ ಬೋಲಖ್ಹತರ್ ಇನೆ ಯೊ ಅಖ್ಖಾನು ಮತ್ಲಬ್ನ ಹಮುನ ಬೊಲ್ಯೊ; ಹಮಾರ ಖ್ಹೋಣ್ಯಾನಿ ಪರಕ್ ಬರೋಬರಸ್ ಬೊಲ್ಯೊ. 13ಎತ್ರೇಸ್ ಕಾಹೆತೆ ಇನೆ ಹಮುನ ಬೋಲ್ಯೋತೆ ಪರಕ್ಕಸ್ಹುಯು. ಮನ ಪಾಛು಼ ಕಾಮ್ಬಿ ಮಳ್ಯು. ಯೊ ಭೋಜ಼ನ್ ಪಿಕಾವವಾಳನ ಫಾಖ್ಹೊದೆವಾಯು” ಕರಿ ಬೊಲ್ಯೊ.
14ಅನ ಖ್ಹಮ್ಜ್ಯೋತೆ ಫರೋಹನೆ ಯೋಸೇಫ್ನ ಬುಲೈಮಂಗಾಯೊ. ಯೋಸೇಫ್ನೆ ಒಗ್ಗೀಸ್ ಜೇಲ್ಮಾಥೊ ಛು಼ಟೀನ್ ಢಾಡಿ ಮೂಂಡೈಲೀನ್ ಅಲಕ್ ಲುಂಗ್ಡು ಫೇರಿಲೀನ್ ಫರೋಹಕನ ಆಯೋ. 15ತದೆ ಫರೋಹನೆ ಯೋಸೇಫ್ನ, “ಮೇ ಎಕ್ ಖ್ಹೋಣ್ಯು ದೇಖ್ಯೊ, ಇನಿ ಮತ್ಲಬ್ ಬೋಲಾವಾಳು ಕೋಣ್ಬಿಕೊಯ್ನಿ. ಕತೋಬಿ ತೂ ಖ್ಹೋಣ್ಯು ಖ್ಹಮಜ಼್ತಾಸ್ನ ಇನು ಮತ್ಲಬ್ ಬೋಲಸ್ಕರಿ ಖಬರ್ ಖ್ಹಮ್ಜ್ಯೊ” ಕರಿ ಬೊಲ್ಯೊ. 16ಯೋಸೇಫ್ನೆ, “ಮನಶಾತ್ಬಿ ಮಾಲುಮ್ಕೊಯ್ನಿ. ಕತೋಬಿ ದೇವಸ್, ಫರೋಹ ಹುಯಿರೋತೆ ತುನ ಸಮಾಧಾನ್ನು ಫೇಡ್ ದ್ಯವಾಳೊ ಹುಯಿರೋಸ್” ಕರಿ ಬೊಲ್ಯೊ. 17ತದೆ ಫರೋಹನೆ ಯೋಸೇಫ್ನ, “ಖ್ಹೋಣ್ಯಾಮ ಮೇ ನೈಲ್ ನದ್ದಿನು ಕನಾರಿಪರ್ ಭಿಯ್ಯೋಥೊ. 18ನೈಲ್ ನದ್ದಿನ ಮಹಿಥು ಖ್ಹಾಜ಼್ನಿ ಖ್ಹಾತ್ ಪಲಿಹುಯಿ ಗೈಯೆ ಆಯಿನ್ ಘಾಖ್ಹ್ಮ ಚ಼ರುಕರ್ತಿಥೀಯೆ. 19ಯೊ ಅಖ್ಖಾನ ಪೀಠೇಸ್ ಘಣು ಬಂಕೋಡಿ ಹುಯಿರೀತೆ ಬಿಜಿ ಖ್ಹಾತ್ ಗೈಯೆ ಅಯ್ಯೆ. ಎಥ್ರಾನಿ ಬಂಕೋಡಿ ಗೈಯೇನ ಮೇ ಈಜಿಪ್ಟ್ಮ ಕಿಜ್ಜಾ಼ಬಿ ದೇಖ್ಯೋಕೊಯ್ನಿ. 20ಆನಾಹುಯಿನ್, ಬಂಕೋಡಿ ಹುಯಿರಿಯೇತೆ ಯೊ ಬಂಕೋಡಿ ಗೈಯೆನೆ ಫೈಲೇಸ್ ದೆಖೈಯೇತೆ ಯೊ ಖ್ಹಾತ್ ಗೈಯೇನ ಖೈಲಿದಿಯೆ. 21ಖಾದಿಯೇತೋಬಿ ಖಾದಿಯೇಂತ್ರ ದೆಖಾಯುಕೊಯ್ನಿ. ಯೊ ಅಗಾಡಿಥೂತೆ ತಿಮ್ಮಸ್ ಬಂಕೋಡಿಸ್ಥಿಯೇ. ಎತ್ರಾಮ ಮನ ಹೋಷಾರಿ ಹುಯಿಗು. 22ಮನ ಪಡ್ಯುತೆ ಬಿಜೇಕ್ ಖ್ಹೋಣ್ಯಾಮ ದಾಣೊ ಭರಾಯುಹುಯು ಖ್ಹಾತ್ ಮುಡ್ಕ್ಯಾನ ಪಕೇಟ್ ಬುಟ್ಟು ಎಕ್ಕಸ್ ಡಂಟ್ಮ ಫುಟಿರ್ಹಯುಥು. 23ಇನ ಪೀಠೇಸ್ , ಚ಼ಢ್ತಿಬಾಜು಼ನೊ ಗರಮ್ ವಹಿರಾಮ ತಶೀನ್, ಖ್ಹುಕೈನ್ ಖರಾಬ್ಹುಯ್ಗುತೆ ಬಿಜು಼ ಖ್ಹಾತ್ ಮುಡ್ಕ್ಯಾನು ಬುಟ್ಟು ಫುಟಿನ್ಆಯು. 24ತಶೀಗಯುತೆ ಬುಟ್ಟುಖ್ಹಾರು ದಾಣ ಭರೈರ್ಹುಥೂತೆ ಯೊ ಖ್ಹಾತ್ ಬುಟ್ಟಾನ ಗಳಿಲಿದು. ಆ ಖ್ಹೋಣ್ಯಾನ ಪೊಂಡಿತ್ಖ್ಹಾರಾನ ಖ್ಹಮ್ಜಾ಼ಡ್ಯೊ; ಯೊ ಅಖ್ಖಾನು ಮತ್ಲಬ್ನ ಛೋ಼ಡಿಬೋಲಾನ ಇವ್ಣಾಮ ಕಿನೇಥಿಬಿ ಹುಯುಕೊಯ್ನಿ.
25ಯೋಸೇಫ್ನೆ ಫರೋಹನ, “ಇವ್ಣೆ ದೇಖ್ಯಾತೆ ಬೇ ಖ್ಹೋಣ್ಯಾನಿ ವಾತ್ ಎಕ್ಕಸ್. ದೇವ್ಕರ್ನುಕರಿ ಛಾ಼ತೆ ಇನ ಆ ಅಖ್ಖಾಥಿ ತುನ ಖ್ಹಮ್ಜಾ಼ಡಿರಾಖ್ಯೋಸ್. 26ಯೊ ಖ್ಹಾತ್ ಪಲಿಹುಯಿ ಗೈಯೆಸ್ ಖ್ಹಾತ್ ವರಖ್ಹ್; ಯೊ ಖ್ಹಾತ್ ಅಛ್ಛಾ಼ ಬುಟ್ಟಾಬಿ ಖ್ಹಾತ್ ವರಖ್ಹ್; ಬೇ ಖ್ಹೋಣ್ಯಾನಿ ಮತ್ಲಬ್ ಎಕ್ಕಸ್. 27ಅಛ್ಛಿ ಗೈಯೆನ ಪೀಠೆ ಅಯ್ಯೇತೆ ಬಂಕೋಡಿ ಹುಯಿರ್ಹಿಯೇತೆ ಯೊ ಖ್ಹಾತ್ ಗೈಯೆ ಅಜು಼ ಛ಼ಡ್ತಿಬಾಜೂ಼ನ ವಹಿರೇಥಿ ಖರಾಬ್ಹುಯ್ಗುತೆ ಯೊ ಖ್ಹಾತ್ ದಾಣಕೊಂತೆ ಬುಟ್ಟುಖ್ಹಾರು ಕಾಳ್ದುಕಾಳ್ಹುವಾನು ಖ್ಹಾತ್ವರಖ್ಹ್ನ ವತಾಳಸ್. 28ದೇವ್ ಕರ್ನುಕರಿ ಛಾ಼ತೆ ಯೊ ಫರೋಹ ಖ್ಹಮ್ಜಾ಼ಡಿರಾಖ್ಯೋಸ್ಕರಿ ಮೇ ಬೋಲಿವತಾಳ್ಯೋತೆ ಎತ್ರೇಸ್. 29ಈಜಿಪ್ಟ್ ದೇಖ್ಹ್ಮಾಸ್ ಘಣು ಅಛ್ಛಾ಼ ಖ್ಹಾತ್ ಖ್ಹುಗಾಳ್ನ ದನ್ ರಿಶೆ, 30ಇನಪಾರ್ ಖ್ಹಾತ್ ಕಾಳ್ದುಕಾಳ್ನ ದನ್ ಆವ್ಶೆ. ತದೆ ಈಜಿಪ್ಟ್ ದೇಖ್ಹ್ವಾಳು ಪಹಿಲೆ ಥೂತೆ ಖ್ಹುಗಾಳ್ನ ಭೈಕಿಜಾಶೆ; ಯೊ ಕಾಳ್ದುಕಾಳ್ಥಿ ದೇಖ್ಹ್ನಿ ಹಾಲತ್ ಖರಾಬ್ಹುಯಿಜಾ಼ಶೆ. 31ಫೈಲೆಥೂತೆ ಖ್ಹುಗಾಳ್ನ ದನ್ನಿ ಖ್ಹಣೇದಸ್ ಕೋರ್ಹಿಶೇನಿ. ಕತೋಬಿ ಅಗಾಡಿ ವಳ್ಯಾವತೆ ಕಾಳ್ದುಕಾಳ್ನ ದನ್ ಘಣು ವದೇಖ್ಹ್ನು ಹುಯಿರಿಶೆ, 32ಆ ಖ್ಹೋಣ್ಯಾನ ಫರೋಹನ ಬೇ ಥರ ದ್ಯವಾನ ಕಾರಣ್ ಶನಕತೊ ದೇವ್ ಆ ಕಾಮ್ಕರಾನ ಜ಼ಲ್ದಿಮ ಖ್ಹೂಜ಼್ ಕರಿರಾಖ್ಯೊಸ್ ಮಾಲುಮ್ ಕರಿಲೇವ್ಣು. 33“ಇನಖ್ಹಾಜೆ ತೂ ಅಕ್ಕಲ್ವಾಳೊಬಿ ಬುದ್ದಿವಾಳೊಬಿ ಹುಯಿರೋತೆ ಏಕ್ಜ಼ಣಾನ ಚೂ಼ಣಿಲೀನ್ ಇನ ಈಜಿಪ್ಟ್ ದೇಖ್ಹ್ಪರ್ ಅಧಿಕಾರಿಬಣೈನ್ ಮ್ಹೇಲ್ನು. 34ಅಜು಼ ತೂ ಎಕ್ ಕಾಮ್ ಕರ್ನು;ಈಜಿಪ್ಟ್ ದೇಖ್ಹ್ನಿ ಖ್ಹಾರೀಸ್ ಬಾಜು಼ಮಾಬಿ ಖ್ಹರ್ಕಾರ್ನೊ ಅಧಿಕಾರಿನ ಮ್ಹೇಲಿನ್ ಇವ್ಣೇಥಿ ಖ್ಹುಗಾಳ್ನ ಖ್ಹಾತ್ವರಖ್ಹ್ನು ಪಿಕಾವ್ಣಿಮ ಪಾಚ಼್ಮಾನು ಏಕ್ ಭಾಗ್ನ ಲೇವ್ಣು. 35ಇವ್ಣೆ ಅಗ್ಲ್ಯಾ ಅಛ್ಛಾ಼ ವರಖ್ಹ್ಮ ಖಾಣಾನು ಚೀಜ಼್ನಾಬಿ ಅನಾಜ಼್ನಾಬಿ ಜ಼ಮಾಕರೀನ್ ಖ್ಹಯೇರ್ಮ ಜ಼ತನ್ಕರಾನ ತೂ ಹುಕುಮ್ ದೆವ್ಣು. 36ಅಮ್ ಖಾಣಾನು ಚೀಜ಼್ನ ಜ಼ಮಕರಾಥಿ ಈಜಿಪ್ಟ್ ದೇಖ್ಹ್ಮ ಕಾಳ್ದುಕಾಳ್ ಉಶೇತೆ ಖ್ಹಾತ್ ವರಖ್ಹ್ನ ಹಗಾಮ್ಮ ಖ್ಹಾರುಸ್ ಕಾಳ್ಥಿ ನಾಶಹುಯ್ಜಾಶೆ ಕೊಯ್ನಿ” ಕರಿ ಬೊಲ್ಯೊ.
