Nongwa ya kumuhigha Pauli kuchitemela
1Pavapitili majuva muhanu, mtambika mkomi Ananiasi, asunukili na vavaha vamonga pamu na mundu yavatanga vandu Malawu kuchitemela yivamukema Tetulu, veni vamuhimulilagha mkomi wa mkowa milandu ya Pauli. 2Pauli akemiwili na Tetulu akandili kumuhigha, adetili naha,
“Mkomi Filekisi, ulongoshi waku wa nyanyi wuyegha kusika nendu na magolikeshu va lasima vakugoliwa kwa unofu wa mlima wetu. 3Topi tukuchipokela chilongu achi kwa seku yonda na numbilu ngomi kwa yuwi Filekisi. 4Lakini ngajila kutola chipindi chikomi munu, tukukuluva kwa usangi waku wutupikanishi padokwa. 5Nongwa tumuwona mundu ayu kanyanyi ng'odu, mweni akukandishagha ndilingu gati ya Vayawudi kila mahali pamlimawu na wuwowu ndi mkomi wa chipinga cha Vanasaleti. 6Kandi kayesha kuyiduka nyumba ya Chapanga, yufwi tumukamula. 7Lakini Lisia mkomi wa machonda ayisili kumuwusha mumawoku vetu kwa liwovi. 8Kavalayisha vala yivamuhighili vayisi kwa yuwi. Yuwi umdashi umweni dawupati milandu yosi yitumuhighila yufwi. 9Vayawudi na veni vamuhighili, vadeta, fyosi afi fyaveli nakaka.”
