ढे भाभा होएते मि झि
लुका ४:३१-३७
21तेहि हतिबा कफर्नहुमला पुइसोङ, राङ हतितुइना राङ ङालसुइ ङिनला यहुदि झोमसि खिमला स्युरे ख्युइ छोइ लोबाला छेलसोङ। 22तेहि हतिबा ख्युइ छोइ थोङदे हा:लाइसोङ। चिचालानाना ख्युइ हतिबाला शास्त्रिबा च्वरा माना, हिन्नाङ आङ राङ ङ्याबो लाप्सोङ। 23हति भेलाला राङ हति यहुदि झोमसि खिमला ढे भाभा काकालि मिझि धुलो। 24ख्युइ जु नेन राङ क्ये तोन्सोङ, “ए नासरतयि येशु, ङेला ख्योए ङ्याबो च्हि सरकार? च्हि ख्योए ङेला मासि लोङदु लेलेबा हिनाइ? ङाहि ख्योएला ङोस्येयिन, ख्योए कजसुबायि पवित्र मिझि ना।”
25हिन्नाङ येशुयि हतिला जु नेन राङ ङ्योइसोङ, “च्यामाना त्योए, राङ हतिने थोन्दे क्यु।” 26हति मिला लछार पछार किन राङ हति ढे भाभाते क्ये छेया धोनिन राङ हति मिने थोन्दे पुइसोङ।
27तेहि पोरो हा:लाइसोङ राङ, तेहि हतिबे जु नेन राङ रेँ नाङला ढिरे किताला छेलसोङ, “धि च्हि ना? धि नि छोइ सारबा हिना। धि ता आङ राङ ङ्याबो भाभा ढेला याङ आदेश तेरिनदु, राङ हतिबा याङ ख्युइ आदेश ङ्यानकिन्दु।” तेहि घ्यबो राङ येशुयि क्याक्याइबि लाइ गालिलयि फाला छुलुइ सा पोरोला टाइक्ये हुवाला छेलसोङ। 28तेहि घ्यबो राङ येशुयि लाइ गालिलयि छेत्र फाला छुला पोरोला टाइक्ये च्युङसोङ।
