पोरोले छेया आदेश
मत्ति २२:३४-४०; लुका १०:२५-२८
28शास्त्रिबे नाङने च्हि लेप्सोङ, राङ हतिबा रेँ नाङला नाइरे किन ताताता थोइसोङ। येशुयि मितेबाला थारका जवाक पिपिना थोङदे ख्युइ खोला टिसोङ, “आदेश पोरोयि नाङने छेस्युवाते काङ ना?”
29येशुयि जावक पिन्सोङ, “पोरोले छेस्युवाते धि ना ‘हे इस्राएल ङ्योन, कजसुबा हुइ कजसुबा च्हि मात्रा होतो। 30ख्युइ कजसुबा रेँ कजसुबाला ख्युइ सम पोरोने, ख्युइ उ पोरोने, ख्युइ पोरो हा:कोयापने, राङ ख्युइ शक्ति पोरोने करि कि। 31ङिबाते धिना, ख्युइ ख्युरि खिमजेला रेँ राङला च्वरा करि कि।’ धिले छेया आदेश स्यान च्याङ मेता।”
32हति शास्त्रि खोला नाइसोङ, “गुरुज्यु, ख्युइ तेम्बा नाइसोङ, कजसुबा च्हि अर्थात मेता, खो अर्थात स्यान सुयाङ मेता। 33खोला सम पोरोने, पोरो हा:कोयापने, पोरो शक्तिने करि कि, राङ खिमजेला राङला च्वरा करि कि पोरो खिमयि होमबलि राङ भोल क्यापते भुलयापले ल ना।”
34ख्युइ बुद्धिमानि राङ ङ्याबो जवाक पिपिना थोङदे येशुयि हतिला नाइसोङ, “ख्योए कजसुबायि राज्यने घ्याबोला मिदु।” हति भेलाने खोला ताम ढियाप सुला हा: माके सोङ।
