ዞረነ ሳሮ
12ኑ እሻቶ፥ ህንተ ግዶን ኦይሳታ፥ ህንተና ካለና መላነ ዞራና መላ ጎዳይ ዶርዳይሳታ ቦንቻና መላ ህንተና ዎሶስ። 13ኤንቲ ኦያ ኦሱዋ ግሾ፥ ኤንታ ዳሮ ቦንችተነ ሲቅተ። እሶይ እሱዋራ ሳሮተን ደእተ።
14ኑ እሻቶ፥ ኑኒ ህንተና ዞሮስ። ቦዛታ ሀንቅተ፤ ባበይሳታ ምንተ፤ ዳቡራንቾታ ማድተ፤ አሰ ኡባ ዳንዳእተ። 15ኦንካ ኢታ ግሾ ኢታ ዛሮና መላ ናገትተ። ህንተ ዎልስነ አሳ ኡባስ ሎኦባ ኦናዉ ምንተ።
16ኡባ ዎደ ኡፋይትተ። 17ኡባ ዎደ ፆሳ ዎስተ። 18ኡባባን ጋላትተ። ክርስቶስ የሱሳ ባጋራ ፆሳይ ህንተፈ ኮየይ ሄሳ።
19ጌሻ አያና ኦሱዋ ቶይሶፕተ። 20ትንብተ ቃላ ካፕተ። 21ኡባባ ፓጭተ፤ ሎኦባ ኤክተ። 22ኢታ ኦሶ ኡባፈ ሃክተ።
23ሳሮ እምያ ፆሳይ ባ ሁጰን ህንተና ፖሎ ጌሾ። ኑ ጎዳይ የሱስ ክርስቶሲ ያና ጋላሳስ፥ ፆሳይ ህንተ አያና፥ ህንተ ሸምፑዋነ ህንተ ኩመ አሳተ ቦረይ ባይና ናጎ። 24ህንተና ፄገይስ አማነትዳይሳ ግድያ ግሾ፥ ሄሳ እ ፖላና።
25ኑ እሻቶ፥ ኑስ ፆሳ ዎስተ።
26አማንያ አሳ ኡባ ጌሻ ዬረተን ሳሮተ።
27ህንተ ሀ ኪታ አማንያ አሳ ኡባስ ናባባናዳ ጎዳ ሱንን ህንተና ዎሳይስ።
28ኑ ጎዳ የሱስ ክርስቶሳ አ ኬሀተይ ህንተራ እስፈ ግዶ። አምንእ።
