እስማኤላነ አጋር ጎደተ
8ጉ ናአይ ድጭድ፤ ን ዱስ፤ አብራሃመይ ይሳቅ ን ዱዳ ጋላስ ዎልቃማ ግብራ ጊግስስ። 9ሽን ግብፀፈ ይዳ አጋራ አብራሃመስ የልዳ ናአይ ይሳቃ ቶችሽን ሳራ በአሱ። 10ሳራ አብራሃመኮ፥ “ሀ አይለ ናአይ ታ ናአ ይሳቃራ ኡባካ ላቶና ግሾ፥ ጋንድዉነ እ ናኣ ከሳዳ ጎዳ” ያጋሱ።
11ሄ ኦዳይ ባ ናአ ቦችያ ግሾ፥ አብራሃመይ ዳሮ መቶትስ። 12ሽን ፆሳይ አብራሃመ፥ “ነ ኮቻይ ይሳቃ ባጋራ ፄገታና ግሾ ነ ናኣስነ ነ አይሌስ ዳሮ መቶቶፓ፤ ሳራ ነዉ ኦድያባ ኡባ ስአ። 13ቃስ እካ ነ ኮቸ ግድያ ግሾ አይለ ናአ ታኒ ግታ ደረ ኦና” ያግስ።
14ዎንታ ጉራ አብራሃመይ ደንድድ ጉ ካነ ኮዳን ሃ ኩንድ፥ አጋሮ ቶስድ፥ እ ናአ እዮ እድንድ ከስ ጎድስ። እያ ባዳ፥ በርሳበ መላ ቢታን ዳቡራሱ። 15-16ሃይ ኮዳፈ ዉርዳ ዎደ እያ፥ “ናአይ ሀይቅሽን፥ ኡታዳ በእከ” ጋዳ፥ ናአ እስ ቡረ ጋርሳን የጋዳ፥ ናምኡ ፄቱ ዋ ግደይሳ መላ ባዳ ኡታ አጋሱ። ያን ኡታዳ፥ ባ ቃላ ቁ ኦዳ ዬካሱ።
17ፆሳይ ናአ ዋሱዋ ስእስ። ፆሳ ኪታንቾይ አጋሮ ሳሎፐ ፄግድ፥ “አጋረ፥ ዋናዲ? ፆሳይ ናአ ዬሁዋ ስእዳ ግሾ ባቦፋ፤ 18ዳንዳ ኤቃዳ፥ ናአ ደንዳ ነ ኩሽያን ኦይካ፤ ታኒ እያ ግታ ደረ ኦና” ያግስ። 19ፆሳይ እዮ ሃ ኦላ በስን፥ ባዳ ኮዳን ሃ ኩንዳ ናኣ ኡሻሱ። 20ናአይ ድጭያ ዎደ ኡባን ፆሳይ እያራ ግድስ። እ መላ ቢታን ደእድ፥ ዶንገን ዱክያ አሰ ግድስ። 21እ ፓራና መላ ቢታን ደእሽን፥ እያ አይያ ግብፀፈ እያዉ ማቾ እማሱ።
