ጌላእዉ

2ታኒ ስካስ፤ ሽን ታ ዎዛናይ ባርክስ፤

ታ ሲቆይ ሀይሳዳ ያግድ ፐንግያ ቆንክሽን ስአስ።

“ታ ምቸ፥ ታ ሲቀ፥ ታ የገልሰ፤

ቦረይ ባይና ታ ሆለ፥

ታዉ ፐንግያ ዶያ።

ታ ሁጰይ አካን ላክስ፤

ታ ብናናይ ቃማ ፑሰን እርፅስ።”

3ታ ማኡዋ ቃራስ፥ ዛራዳ ማኦዬ?

ታ ቶሁዋ ሜጨታስ፥ ዛራዳ ቅታዮዬ?

4ታ ሲቆይ እብ ፆኤራ ባ ኩሽያ ሶ የድስ፤

ታ ዎዛናይ እያ ግሾ ሴሌስ።

5ታ ሲቁዋስ ዶያናዉ ደንዳስ፤

ፐንግያ ዶያናዉ ኮብያ ኦይክያ ዎደ፥

ታ ኩሽያፐ ካርበይ፥

ታ ብራያፈ ሽቶይ ፆኬስ።

6ታ ሲቁዋስ ካርያ ዶያስ፥ ሽን እ ዴና፤

እያ ቃላ ስአናዉ ዳሮ አሞታስ።

ምንዳ ኮያስ፥ ሽን እያ ደማብከ፤

ፄጋስ፥ ሽን ታዉ ኮይቤና።

7ካታማ ናገይሳት ታና ደምድ፥

ዋዶሶና፤ ማዱንፅስዶሶና።

ካታማ ድርሳ ናገይሳት፥

ታ ላፃና ቃር ኤክዶሶና።

8ህንተኖ፥ የሩሳላመ ጌላኦቶ፥

ታ ሲቁዋ ደምኮ፥

ታኒ እያ ሲቁዋን ሀርግዳይሳ፥

ሀዳራ እያዉ ኦድተ።