अमस्याहो री मौत
25यहोआहाजो रे पाऊ इस्राएलो रे राजा योआशो रे मरने ते बाद तेसरा पाऊ यहूदा रा राजा अमस्याह पंद्रा साल तक जिऊँदा रया। 26शुरूओ ते लई की अन्तो तक अमस्याह रे ओर काम, यहूदा ओर इस्राएलो रे राजेया रे इतियासो री कताबा रे लिखी राखे। 27जेस बखते अमस्याहे परमेशरो पीछे चलणा छाडीता था तेस बखतो ते यरूशलेम शईरो रे तिना रे खलाफ साजिश ऊणे लगी ओर से लाकीश शईरो खे नठी गा। तेबे दूते लाकीशो तक तेसरा पीछा करी की, से तेथी काई ता। 28सेयो तेसरी लाशा खे कोड़ेया पाँदे राखी की यरूशलेम शईरो खे वापस लई की आए। ओर से तेसरे बुजुर्गा साथे यहूदा रे शईरो दे दबाईता।
