कई बमारा खे ठीक करना

(मरकुस 1:29-34; लूका 4:38-41)

14जेबे यीशु पतरसो रे कअरे आए, तो तिने पतरसो री सासु बुखारो साथे पड़ी री देखी। 15तिने तेसा रा आथ छूँयां और तेसा रा बुखार उतरी गा। तेबे से उठी की तिना री सेवा करने लगी। 16जेबे साँज ऊई, तेबे सेयो बऊत लोका खे यीशुए गे ल्याए, जिना रे दुष्टात्मा थिया और तिने दुष्टात्मा आपणे वचनो साथे निकयाल़िया और सब बमार ठीक कित्ते। 17ताकि जो वचन यशायाह भविष्यबक्ते बोलेया था से पूरा ओ

“तिने आपू ई म्हारिया कमजोरिया लयी लिया

और म्हारिया बमारिया चकी तिया।”