परमेशरो रे बिधानो पाँदे उम्मीद
जै़न
49प्रभु, आपणे दासो ते कित्ते रे वादे खे याद कर,
कऊँकि तैं माखे उम्मीद देई राखी।
50मेरे दु:खो दे माखे शान्ति तिजी तेई ऊई री,
कऊँकि तेरे वचनो रे जरिए मैं जिन्दगी पाई राखी।
51जबकि कमण्डी माणूंए मेरा बऊत मजाक डवाया,
तेबे बी आऊँ तेरे बिधि-बिधानो ते नि अटेया।
52ओ प्रभु, मैं तेरे पुराणे नियम याद करी की
शान्ति पाई राखी।
53जिने दुष्ट माणूंए तेरा बिधान छाडीता रा,
तिना रिया बजा ते आऊँ गुस्से ते लाल ऊणे लगी रा।
54जेती आऊँ परदेशी ऊई की रऊँआ,
तेती तेरिया बिदिया, मेरे गीत बणी रे।
55ओ प्रभु, आँऊ राती तेरा नाओं याद करूँआ
ओर तेरे बिधानो रा पाल़न करूँआ।
56ये मांते इजी बजा ते ऊआ,
कऊँकि मैं तेरे उपदेश माने।
