परमेशरो रे बिधानो रिया तँईं पग्ती
हेथ
57प्रभु, तूँ मेरा सब कुछ ए;
मैं पक्का निश्चा करी ला रा कि मां तेरे वचनो रे मुताबिक चलणा।
58आऊँ तांते ते पूरे दिलो ते बिनती करूँआ कि तुँ मां पाँदे दया कर,
जेड़ा तैं आपू वादा कित्तेया था।
59मैं आपणे बर्ताओ रे बारे दे सोचेया,
ओर मैं तेरिया बिदिया रा पाल़न करने रा फैंसला कित्तेया ए।
60मैं बिना देर कित्ते
तेरी आज्ञा मानणे खे फुर्ती कित्ती।
61दुष्ट माणूंए मेरे खलाफ जाल़ बिछाई राखेया ए,
पर आऊँ तेरे बिधानो खे नि पूलदा।
62तेरे तर्मो रे नियमा रिया बजा ते
मां आदिया राती तेरा तन्यवाद करने खे उठणा।
63आऊँ तिना सबी रा दोस्त आ जो तेरा आदर करोए,
तिना रा जो तेरिया बिदिया रा पाल़न करोए।
64ओ प्रभु, तरती तेरी करूणा साथे परी रिये;
तूँ माखे आपणी बिदिया सखा!
