परमेशरो रा आशीर्वाद
सुलैमानो री यात्रा रा गाणा
1जे कअरो खे प्रभु नि बणाओ, तो तिजी खे बनाणे वाल़े माणूंए री मईणत बेकार ऊणी।
जे प्रभु शईरो री रक्षा नि करो, तो पईरेदारो रा जागणा बेकार ई ऊणा।
2तुसे बेकारो रेई तड़के उठोए ओर बेकारो रेई देरा ते सओए
ओर बेकारो रेई बड़ी पारी मईणत करी की रोटी खाओए, ये सब तुसा खे बेकार ई ए;
कऊँकि यहोवा ई आपू साथे प्यार करने वाल़ेया खे नींज परदान करोआ।
3देखो, बच्चे प्रभुए रा दित्तेया दा पाअग ए,
गर्भो रा फल प्रभुए रिया तरफा ते दित्तेया रा प्रतिफल ए।
4जवानिया रे पैदा ऊईरा पाऊ वीरो रे आथो रे तीरो जेड़ा ओआ।
5से माणूं बऊत ई तन्य ए जेसगे एड़े कई तीर ए।
न्याय रिया जगा पाँदे आपणे दुश्मणा ते मिलदे ऊए से कदी आरना नि।
