Aza a Isra'ila a lyawai Sinai

11O urana wu ushin u woto we ire a aa'wan e ire ana o uta̱i Masar, ɗaɗa eleshe a̱ 'yoyin zuva vo Oogodo o Uga'asusan. 12Reve ama a Isra'ila a̱ 'yon e reme mmalu oɓolo oɓolo diga A̱tsumona a Sinai, hali she na eleshe e isawain A̱tsumona a Faran. 13Reve a̱ 'yon o uta̱ u'yowun wu ufaru cine A̱sulazuva a dammai Musa.

14Atuta o ugundo wa Yahuza u ɗa u fara 'yoyin, reve akapi o gundo a̱ kuru oɓolo oɓolo. Nashon ulobo wa Aminada u ɗa u da̱na̱i zagbain le. 15Nataniya ulobo wa̱ Zowa u ɗa u da̱na̱i zagbain ve eɓele o ugundo wa Isaka. 16Eliyabu ulobo wa Helon a̱yi ɗa u da̱na̱i zagbain ve eɓele o ugundo wa Zebulun. 17Reve a̱ mula̱ oogodoꞌo, a̱vu aza a Gashon na aza a Merari aza a na a tanu niyi a̱ 'yon o uta̱.

18Reve atuta o ugundo wa̱ Roben a̱ kuru le oɓolo oɓolo. Elizu ulobo wa Shedeya u ɗa u da̱na̱i zagbain le. 19Shelumiye ulobo wa Zurishadai a̱yi ɗa zagbain vu ugundo wa Saminu. 20Eliyasa ulobo wa Deyuwe a̱yi ɗa zagbain ve eɓele o ugundo wa Gadu. 21Reve aza a Koha a̱ kuru utanuwu ni itana ya akiza. A̱ ta̱ shuwa̱ oogodoꞌo kafu a rawa.

22Reve atuta o ugundo wa Ifiramu a̱ kuru le oɓolo oɓolo. Elishama ulobo wa Amihu u ɗa zagbain le. 23Gamaliya ulobo wa Fedazu a̱yi ɗa zagbain ve eɓele o ugundo wa Manase. 24Abidan ulobo wa Gidiyoni a̱yi ɗa zagbain ve eɓele o ugundo wa Banyami.

25Reve o ukosu, atuta o ugundo wa Dan a̱ kuru le oɓolo oɓolo. Reve o o'wo a̱ca̱pa̱ a̱ pirishi akapi o oɓolo suru. Ahiyeza ulobo wa Amishadai a̱yi ɗa zagbain a aci e le. 26Fagiye ulobo wo Okiran a̱yi ɗa zagbain ve eɓele o ugundo wa Asha. 27Ahira ulobo wa Enan a̱yi ɗa zagbain ve eɓele o ugundo wa Nafutali. 28A̱yi nda a̱yi ɗa ugeru wu mmalu wo oɓolo a Isra'ila a mantsa ma na a̱ 'yoyin e remei ure suru.

29Reve Musa damma Hoba ulobo wa Reyuwe va Midiya, a̱sha̱wa̱le a Musa, < Ta̱wa̱ tsu 'ya̱wa̱i oɓolo tsu ta̱ ɓa̱na̱ wu ulobonu, adama a na A̱sulazuva a yuwaan ta̱ Isra'ila nzuwulai mi isa'ani.>>

30Reve u usu, <>

31Amma Musa damma ta̱, <32Waru na̱ vu kuru tsu, tsu ta̱ ne'eshen ili i sa'ani i na A̱sulazuva a ca ntsu biti oɓolo na̱ a̱vu.>>

33Ɗaɗa aza a Isra'ila a̱ 'yoyin diga a masasan ma̱ A̱sulazuva, reve a yuwan mmalu mu rana ta'atsu. Akpati a Nzuwulai a̱ A̱sulazuva a ɗa a walaa nle elime a mantsa ma ayin a ta'atsu o ndolo adama u zamiya le uba̱ta̱ u na ee ivuwan. 34Waru eleshe a̱ A̱sulazuva a̱ da̱na̱ ta̱ zuva le nu urana a mantsa ma na a̱ 'yoyin diga o uva̱la̱ta̱. 35A mantsa ma na suru akpati'i a̱ 'yoyin, Musa tsu damma ta̱,

<

Lyawa n'yuwatan ma̱ wu m bete'we,

aza a na a 'yuwan nuwu a suma a̱ ma̱ka̱ka̱n ma̱ wu.>>

36Reve a mantsa ma na u cipa̱i biti, a̱vu u damma,

<

ka̱mba̱ uba̱ta̱ wa ama a Isra'ila ukpakukupa kupa a na a̱ ri n kece shi.>>