Aatagada o Ufaru
(Ica 1)
Wuma wa̱ a̱ɓula̱ na̱ za vi iwuya
1Za ma̱za̱nga̱ ɗa vuma na
tsu toni a̱sa̱la̱ a̱za̱ e iwuya shi,
ko u toni ure wa̱ a̱za̱ o unusu shi,
ko u da̱nu oɓolo na̱ a̱za̱ o ulamu.
2Amma u ta uwwusa uyo'o
u yuwan tsutoni na̱ wila̱ wa̱ A̱sulazuva,
waru a yuwusan majiyan ma̱ wila̱'a̱ usana na ayin.
3U ta̱ tsu uɗanga
u na a̱ shuwa̱i e ikyun yu uɗolu,
za na tsu matsan a mantsa ma̱ yi,
waru a̱vu'un a̱ yi a̱ tsu kpanla shi.
Ili i na u yuwain suru, u tsu tsura̱ ta̱ ulyuwu we elime.
4Amma a̱za̱ e iwuya
a̱ ri ne shi.
A̱ ta̱ tso owopo
a na upepu u tsu pura̱.
5A̱za̱ e iwuya
a la'a diga uba̱ta̱ o uge'etosu shi,
ko a̱za̱ o unusu a̱tsura̱ uba̱ta̱
a̱tsuma̱ e iɓolo ya̱ a̱za̱ a̱ a̱ɓula̱ shi.
6Adama a na A̱sulazuva
a̱ ta̱ e idanasa mmalu ma̱ a̱za̱ a̱ a̱ɓula̱,
amma linga va̱ a̱za̱ e iwuya
u ta̱ 'ya̱wa̱to le o ukwisa̱.
