A ca ta̱ Aala a̱ wu Tsugbain
1Ya̱ a̱ wu goon, A̱sulazuva,
ya̱ a̱ wu goon,
agba uba̱ta̱ u tsu shi,
ko a 'yuwan a ciga a ca ala a̱ wu tsugbain
adama e icigi ya̱ wu i na i tsu vadala shi
na amayun a̱ wu.
2Nye i zuwai nɗa n dammai,
<
3A̱sula̱ a̱ tsu a̱ ta̱ zuva,
u tsu yuwan ta̱ ili i na u cigai.
4Amma musula̱ n le
zinariya na̱ azurufa ɗa,
aza a na a yuwain
ne ekere a ama.
5A̱ ta̱ na̱ una̱,
amma a tsu yuwan adanshi shi,
a̱ ta̱ ne esu,
amma a̱ tse ene shi,
6a̱ ta̱ na atsuvu,
amma a tsu uwwa shi,
a̱ ta̱ na̱ vunu,
amma a tsu uwwa a̱ꞌya̱n shi,
7a̱ ta̱ ne ekere,
amma a tsu gura guza̱ ili shi,
a̱ ta̱ na ana
amma a tsu gura wala shi,
a tsu gura waru uta̱a̱ uɗyo
a̱la̱kutsu e le shi.
8Ele aza a na a yuwan le,
na aza a na a̱ usu n le suru,
o to o'wo tsa̱ le.
9A̱ɗu aza a Isra'ila,
zuwai okolo a̱ ɗu
uba̱ta̱ wa̱ A̱sulazuva!
A̱yi ɗa ikambi i ɗu,
na̱ a̱a̱ra̱ga̱ a̱ ɗu.
10A̱ɗu u'wa wa Haruna,
zuwai okolo a̱ ɗu
uba̱ta̱ wa̱ A̱sulazuva!
A̱yi ɗa ikambi i ɗu,
na̱ a̱a̱ra̱ga̱ a̱ ɗu.
11A̱ɗu na yaa uwwusa
wovon wa̱ A̱sulazuva,
zuwai okolo a̱ ɗu uba̱ta̱ wa̱ yi!
A̱yi ɗa ikambi i ɗu,
na̱ a̱a̱ra̱ga̱ a̱ ɗu.
12A̱sulazuva a cuwan ta̱ na̱ a̱tsu,
waru u ta zuwaa tsu aba'un,
u ta zuwaa u'wa wa Isra'ila aba'un,
u ta zuwaa u'wa wa Haruna aba'un,
13u ta zuwaa aza a na
a uwwusa wovon wa̱ yi aba'un,
zagbain na̱ mawun.
14Lyawa A̱sulazuva
a̱a̱ da̱shi ɗu a̱bunda̱,
a̱ɗu oɓolo na̱ muwun nɗu.
15Lyawa A̱sulazuva a zuwaa ɗu aba'un,
a̱yi za na yuwain zuva nu uvaɗi!
16Zuva va zuva
za va̱ A̱sulazuva a ɗa,
amma uvaɗi
u ca ta̱ vaɗilima̱.
17A̱kwa̱kwa̱ aa cuwa
A̱sulazuva shi,
ele na a̱ ka̱ra̱i a̱ cipa̱ a aason.
18Amma a̱tsu,
tsu ta cuwa A̱sulazuva,
diga gogo na̱ hali hali.
Cuwai A̱sulazuva!
