O gbwǝ o Yeso

44A tera letereme na ye maring a kuruwǝ a makeke mame, nama dukǝ o gendarono ongme, 45na ongme wata nya masanto ne.

O daro o yambati oka wa are a tera ara a sangsang ka o kala a be sangsang
Na epa o wobe ara o kala be sangsang akwilǝ Ashili wa daro a tera. 46Na Yeso ka ara lengmelo a jǝng naka bekaana, “Ate, ma nyau ebeene eng a nyimi taara to.” Ka o bekaa nyimi, aka windi ebeene kai o mare a ka gbwi.

47Nangka ondo tesa a geza a moole o gong a Roma wa laka epa eka ka ya, na wa saba Ashili a wa bekaana, “Dongdong karomo kaana kando ka o dera madinǝ kai.”

48Na aromo aka neya gonta epa eka aya eza me arame, nane kuri akwilǝ ka o ola begeshe be ne a nyimi o kona o buru. 49Pate aromo aka ne rose Yeso ka andaye amea ne tare kai a sura a makeke ma Galili, nane itǝ a macangcang ane gonte epa eka eya ale.