Yeso ka sǝǝrǝ obere oburu ba nyimi ondo
31Na Yeso ale a Kaparnahum apeng yende a nyimi makeke ma Galili, ara namea ka lyǝzǝ o dandaro o gwarnazang maYahuda, aka baale ne koonang lengme lo teseke. 32Na o baala kai wa tere ne okpwe aza obena angmǝ okai aya susǝ ka legoone.
33A nyimi dandaro gwarzanang maYahuda mame, ondo zene waye ka obere oburu. Na oromo me rurayi a jǝng a Yeso a wa bekaana, 34“Haing. Eya manyimau ka ro, Yeso karomo ka Nazarat? Ba deya ka o mare legoone le ro na? Ang rose obena boa mana, boa ondo surǝ Ashili.”
35Na Yeso zurki obere oburu me jǝng aka bekaana, “Kome a set, o surea nyimi lepung le oromo na.” Na obere o buru me tare oromo me a deze aza yizi komana. Nawa suri a wa baya wai zora o jukǝ wai kanza.
36Pate aromo ka neya rame nane moke ma ngmǝ mane, ane bekaa tokpwe tone naa, “Embele ya karomo kana kaa ya? Ka zurki aka beke obere oburu na suri oromo me, na wa suri.” 37Epa eka Yeso kaye na oroka wa ale kuruwǝ a pate makeke mame.
