O ngmenga o Yohana ka o batisma
57Nangka tomore to ngmenga Alisabatu te dukǝ, naka ngmeng kena ka lome. 58Ana o tokwilǝ to ting kai ka ana o gbaara eyapa ka kai kone o bena Ateokora wa wore kai egonegone cak, na ne kone o leba ka kai.
59A lengme lo riiru ka o ngmenga nane de a core kena kame, a neya nya kai leze na Zakariya, leze le ate a kai, 60na iini me beke angmǝ na, “Nyimi taza ne. A yo nya kai leze na Yohana.”
61Na ne kabare kai na, “Ondo a nyimi akwilǝ aying ta zene ka leze le name ne.”
62Nane beye erara ka ate kena kame, aza o gera nangka a yo rara kena kame. 63Na wa pirkǝ epa o daara e wela a wa wele na, “Leze le kai ya Yohana.” Na pate epa eme tere ne okpwe. 64Malo nyimi na ongmǝ wai pǝrnu a leleng le wai dingarnu, na wa lya izi ka o beya angmǝ o saba Ashili. 65Na epa eme tere ana o tokwilǝ to ting one okpwe, na pate aromo a topepeng te eeno to mayara ma o makeke ma Yahudiya ne be ngmǝ epa ena ane kone ane kang laka. 66Pate andaaka ne kone nane eke anyong ane, ane bekaana, “Kena kaana kayo ya nannia?” Ka legoone le Ateokora leye azaa kai.
