अब्राहम को उदाहरन
1एकोलाने हम ख का कह हैं हमारो सारीरिक बाप अब्राहम ख का मिलो हतो? 2यदि अब्राहम अपनो काम हुन से धर्मी ठहरायो गयो हैं, ते ओ ख अपनो पर गर्व करन कि जगह होव, पर परमेस्वर को सामने असो नी कर सक। 3काहेकि सुध्द सास्र का बोल हैं? यी कि “अब्राहम न परमेस्वर पर विस्वास करियो, अऊर यी उनका लाने धार्मिकता इंसान गिनो गयो।” 4अऊर जब जे काम कर हैं उपहार को रूप म नी बल्कि अधिकार को रूप म दियो जाय हैं। 5पर जे काम नी धार्मिकता इंसान काम करन ख बजाए ओ ख परमेस्वर पर विस्वास करनो हैं जे पापी हुन ख भी छोड़ देवा हैं ते ओको विस्वास ही ओको नेक इंसान होन ख कारन बन जाय हैं। 6यूईच तरह दाऊद उ अदमी को अच्छो कह हैं, जे ख परमेस्वर बीना काम कियो भी धार्मिकता इंसान ठहरानो हैं:
7“धन्य हैं उ जीन को अधर्म माप कियो हैं,
अर ओको पाप भी ढक दियो गयो हैं।
8भलो हैं उ इंसान, जेको पाप ख हिसाब प्रभु नी रख।”
9तब का जे को खतना नी हुओ: “अब्राहम अपनो विस्वास को दुवारा उ धार्मिकता इंसान गिनो गयो।” 10ते उ कसो मानो गयो हैं? का खतना कि दसा म अऊर तब उ खतना म हतो नी बिन खतने कि दसा म? खतना म नी बल्कि खतना म। 11अब्राहम लिग खतना करवायो विस्वास को नेक इंसान गिनो गयो ओको ऊपर मुहर को रूप म खतना को चिन्ह लग गयो ऐको का उ उन सब को बाप बनो जे खतना करवायो बिना विस्वास कर हैं जे ख उनको विस्वास को दुवारा उ नेम व्यक्ति मानो जाहे। 12अर अब्राहम उन खतना वालो ख भी बाप बना जे नी अकेलो खतना पर निर्भर रह हैं पर हमारो बाप अब्राहम भी ओको विस्वास को रस्ता पर चल हैं जे अब्राहम खनना को पहलो विस्वास करह हतो।
