Select a Verse
Kadanshi ku uteku ka Yakubu a kubana u muku n ni
1Ɗa Yakubu u ɗekei muku n ni ɗa u danai, <<Ɓolongi na, ka̱ta̱ n dana ɗa̱ i na i kuciya̱ ɗa̱ a ayin a na a̱ kuta̱wa̱.
2<<Ɓolongi ka̱ta̱ i pana, a̱ɗa̱ muku n Yakubu,
Panakai esheku a̱ ɗa̱ Isaraila.
3< utsura u na wi urotu wu utsura u va̱ n tsugbayin tsa̱ a̱miki, koɓolo n utsura kpamu. 4Vu tsu ka̱na̱ kaci ba, vi ta̱ an mala, vo kudoku vo kokpo vuza gbayin kpamu ba. Adama a na vu goyo ta̱ kajiba ke eshevu, vu ukai kaꞋa unata. 5< otokobi e le ucanuku u vishili u ɗa. 6Wuma u va̱ ka̱ta̱ vu uwa e kusheshe ku le ba ka̱ta̱ n uwa o kuyongo ku le ba, adama a na ele una ta̱ uma n wupa u le, usuɗukpi wa̱ a̱ɗu e le u zuwai le a unai aza utsura. 7O okpo wasasa adama a wupa u le, wupa u le u na̱mgba̱ ta̱ ka̱u ta u kupece le nannai a iɗika yi Isaraila. 8< Kukiye ku nu ki ta̱ a̱ kuka̱na̱ irala i nu. Muku mo olobo me eshevu mi ta̱ a̱ kukuɗa̱nku wu. 9Avu Yahuda kawu ɗa vi, maku ma̱ va̱ vu unai manama ɗa vu bonoi a kakagu, vu vaku vu ba̱rukpa̱i tsu kawu, tsu kawu babu vuza na u koꞋuso wu. 10Avu Yahuda tsugono tsa̱ kuka̱sukpa̱ kpaꞋa ku nu ba, ko kalangu ko tsugono ka̱ kuka̱sukpa̱ ntsukaya n nu ba, ali ayin a na vuza na u gaꞋin u ta̱wa̱ u yawa, ka̱ta̱ aduniyan dem o okpo a̱ ni. 11Wi ta̱ a kushiya majaki ma̱ ni a maɗanga mi itacishi. U shiya maꞋa a kacaka ka na ka laꞋi n kugaꞋan, ka̱ta̱ u za̱Ꞌa̱ ntogu n ni m mini mu umaci wu nɗanga, u za̱Ꞌa̱ kashiyatsu ka̱ ni feu n umaci u na u shilyamgbai. 12A̱shi a̱ ni i ta̱ a kulaꞋa ma̱ra̱ ushili, ka̱ta̱ anga a̱ ni a laꞋa mani wa̱ri. 13< vo okpo ubuta̱ u kuzuwa antsu uteku u ni wi ta̱ a kuyawa ali a kubana uɓon u Sidon. 14< vi ta̱ ivaꞋin e mere ma mbana mu ucanuku. 15We ene ta̱ ubuta̱ u kuvuka u gaꞋan ta̱, iɗika i ni yi ta̱ n uyoꞋo wi ida̱shi; ɗa u kuɗa̱ngi adama a na u zuwaka avangatsu a̱ ni ucanuku, wo okpoi kagbashi ku ulinga. 16< Tsu umaci u yoku a Isaraila. 17Dan wi ta̱ an koko ka na ka shamgbai ɗevu n uye, koko ko tsukono paki n uye, ka na ka tsu kapa kodoku a̱ ka̱civa̱ adama a na kakumbi ka̱ ni ka̱ yikpa̱ melene. 18Mi ta̱ a kuvana wishi u nu Vuzavaguɗu. 19< ama a̱yi feu wi ta̱ a kutsupa le. 20< ali vu neꞋe ngono ilikulyaꞋa. 21< ma na ma matsai muku n singai. 22< a na uyaꞋan u na wi ɗevu n kuyene ka̱ta̱ u tatsa u kumba mashilya ali u matsa ba̱ri. 23Atain a bankai ni n vishili, a tawai ni magaba. 24Ama utan u ni u shamgbai n utsura gbam-gbam, ɗa ekiye a̱ ni a̱ ciya̱i katsura, adama e kukiye ku utsura ku Ka̱shile ka Yakubu. N adama a Maguɓi mi Isaraila, 25Ka̱shile ke eshevu kaꞋa vuza na u ɓa̱nka̱i nu Ka̱shile Uba̱nga̱ri vuza na u zuwakai nu una̱singai, una̱singai u mini ma gaɗi, koɓolo m mini n a̱bunda̱i ma na mi punu iɗika, una̱singai wi ilikuzuwa m muku n a̱bunda̱i. 26Una̱singai we eshevu u laꞋa ta̱ una̱singai wu nsasan u na mi ko wannai, u laꞋi kpamu tsuloboi tsu nsasan n ko wannai. YaꞋan ili i nampa i yongo u Isufu, a̱ kuca̱n ku vuza na a zagbai a ka̱tsuma̱ ka̱ aza ni. 27< N usana vi ta̱ n kutsa̱n ka̱ta̱ vu tamba inyama, n kulivi vu tsu pece ta̱ i na vi ciya̱i gbani.>> 28Na va ɗaɗa muku kupa nu nre wu umaci wi Isaraila, ili i na esheku e le a danai le i ɗa na a ayin a na u zuwakai le una̱singai, u zuwakai yaba dem vi le una̱singai tsu na u gaꞋin. Ukpa̱ u Yakubu 29Ɗa Yakubu u nekei le kadanshi ka nampa u danai, < 33Ana Yakubu u kotsoi kuneke muku n ni kadanshi, ɗa u doku u vakushiki a ivaꞋantsu i ni, ɗa u yivikai ayinviki a ukocishi a̱ ni, u banai a̱ ubuta̱ wi ikaya i ni.
