Select a Verse
Zabura 3
Zabura ta Dawuda. Sa’ad da ya gudu daga ɗansa Absalom.
1Ya Ubangiji, abokan gābana nawa ne!
Su nawa suke gāba da ni!
2Da yawa suna magana a kaina suna cewa,
“Allah ba zai cece shi ba.” Sela
3Amma kai ne garkuwa kewaye da ni, ya Ubangiji;
ka ba ni ɗaukaka ka kuma ɗaga kaina.
4Ga Ubangiji na yi kuka mai ƙarfi,
ya kuwa amsa mini daga tudunsa mai tsarki. Sela
5Na kwanta na yi barci;
na kuma farka, gama Ubangiji yana kiyaye ni.
6Ba zan ji tsoro ko dubu goma
suka ja dāgā gāba da ni a kowane gefe ba.
7Ka tashi Ya Ubangiji!
Ka cece ni, ya Allahna!
Ka bugi dukan abokan gābana a muƙamuƙi;
ka kakkarya haƙoran mugaye.
8Daga wurin Ubangiji ne ceto kan zo.
Bari albarkanka yă kasance a kan mutanenka. Sela
