Select a Verse

Atˈtohngo nya abon ba Noa

1A wo li ntoora nnyo mi li bade abone Noa ba nlum, Sem, Ham, a Jafed. Bofono tob jele abon ngare nyi nnyel ma sehng.

Etˈtohngo ji Jafed

2Abon ba nlum ba Jafed ba a: Goma, Magog, Madayi, Javan, Tubal, Mesek, go Tiras. 3Abon ba nlum ba Goma ba a: Askenas, Rifad, a Togama. 4Abon ba nlum ba Javan ba a: Elisa, Tarsis, go anebe Kitim, go anebe Rodan. 5E bo atˈtohngo wo ane ba lene nkpe alahb nkpe alahb lohng no, yaame ni ellong song kak elsi nˈne, a elatahkgur jˈje, a ejahbe jˈje, a nfam a nfam ebo.

Etˈtohngo ji Ham

6Abon ba nlum ba Ham ba a: Kus, Mijraim, Pud, go Kenan.

7Abon ba nlum ba Kus ba a: Seba, Havila, Sabta, Raama, go Sabteka. Abon ba nlum ba Raama ba a: Seba abola Dedan.

8Kus wo jolo nde no Nimrod, ji gbale jol egburu ntakuru a nne go njini. 9Á jolo egburu egbaji ebim go esamahr bi Jehova, owo wahnge bo jo bung re, <> 10Agbokambanga aji etul nya Nimrod kake no jolo Babilon, Erek, Akad, a Kalne ji jolo go Sinar. 11Nimrod lohngo o ndi nyio fere song lene go Asiria, owo á kpe song kak nsi nyehko nyi Nineve, Rehobod Ir, Kala, 12go Resen ji jolo elka elka ni Nineve abola Kala ji jolo egburu ejahbe. 13Mijraim wo jolo nde no anebe Lud, a anebe Anam, a anebe Lehab, a anebe Nabtu, 14a anebe Patrus, a anebe Kashlu (a wo anebe Filistia lohng no) a anebe Kabto. 15Kenan wo jolo nde no Sidon, Sidon wo jolo ngbokambang mmon ewe no nlum. Kenan tob jolo nde no anebe Hid. 16Anebe Jebus, anebe Amor, anebe Girgasa, 17anebe Hiv, anebe Ark, anebe Sin, 18anebe Arvad, anebe Jemar, a anebe Hamad. Eji ma kang, anebe Kenan kehm nyange, 19nkonandi nyi Kenan bomo go Sidon asongo go Gerar, tete rehng go Gaja, sehng o rehng go Sodom, Gomora, Adma, Jeboyim tete rehng Lasa.

20A wo li abon ba nlum ba Ham. Ana wo bo jolo no song kak elsi ni bo, a elatahkgur nya bo, a ejahbe ji bo, a nfam a nfam ebo.

Anebe Sem

21Sem ji jolo mmonannyehna Jafed no nkul tob jele abon ba nlum. Sem wo jolo nde nne no nkul go abon kpee ba Eber. 22Abon ba nlum ba Sem ba a: Elam, Asur, Arfasad, Lud, a Aram. 23Abon ba nlum ba Aram ba a: Uju, Hul, Geter, a Mesek. 24Arfasad wo jolo nde no Sela, Sela tob jol nde no Eber. 25Eber jele abon ba nlum abal, ngbokambang bo jo lung-e re Peleg, tibre egea ngare wo njini yabe no, mmonannyehn bo jo lung-e re Joktan. 26Joktan wo jolo nde no Almodad, Selef, Hajarmaved, Jera, 27Hadoram, Ujal, Dikla, 28Obal, Abimael, Seba, 29Ofir, Havila, abola Jobab. Ane baa kpee jolo abon ba nlum ba Joktan. 30Ejang bi bo lene no, bomo go Mesa tete song rehng go Sefar, go ejahbe ewong ji ero nfam. 31Abon ba nlum ba Sem ba a. Ana wo bo jolo no song kak elsi ni bo, a elatahkgur nya bo, a ejahbe ji bo, a nfam a nfam ebo.

32A wo li ajahbe nya abon ba nlum ba Noa, Go ellong nia wo ajahbe yaame yel go njini kpee, ngare nyi nnyel ma sehng.