Select a Verse
1ሳሉዋ ጉፋንን አሳ ቦላ ጋክያ ሎይ ኢታባ ታን በኣድ። 2ጾሳይ አሳዉ ማጹዋ፥ ዱረተነ ቦንቹዋ ኡባ እሜ፤ አዉ ኮሽያባፐ አያነ ፓጭሰና። ሽን፥ አዉ እመቴዳ ማጹነ ዱረተ ኡባን ኬዉ ናሸታና ማላ፥ ኩመን ሸንያ አዉ እመና። ሄዋ ጻላላካ ግደና፤ እ ዳቡሪደ ደሜዳዋን ሀራ ዳቡርቤናዌ ናሸታናዳን ኦ። ሄዌካ ሀዳነ ሎይ ካዮትያ ኢታባ።
3እት አሳይ ጼቱ ናናቱዋ ጋካናዉ የሊደ፥ አዱሳ ላይ ደኢደ ኤጫናዉ ዳንዳዬ፤ ሽን እ ባረዉ እመቴዳዋን ናሸትያ ካጫይ አዉ ዮፐ፥ ቃይ ዉርሰን ቦንቾ ሞጉዋካ ሞገተናን አቶፐ፥ አፐ ባረ ዳይ ኡሉዋን ሀይቂደ የለቴዳ ቦሻይ ኬካ ጋይ። 4አያዉ ጎፐ፥ ሄ ቦሻይ ጮ የለቴዳ፤ ስሚደ ቃይ፥ አ ኦንነ ሀሳየና ማዉ ቤ፤ አ ሱንይካ ሄ ማን ካመቲደ አቴ። 5እ አዋ ፖኡዋ በእቤና፤ ደኡዋባይካ አየንቶ ኤርቤና። ህንኮ ብታንያዋፐ አደ ሸምፕያዌ አ። 6ሄዋ ድራዉ፥ ናሸቻይ ባይናን ደእሺና፥ ላኡ ሻኡ ላይ ደእያ አሳፐ ሄ ቦሻ ካጫይ ሎአ። አያዉ ጎፐ፥ ዉርሰን ላኡካ እት ሳኣ ቢኖ።
7አስ ዳቡሪደ ኦያ ኡባይ ባረዉ ምያዋ ደማናሳ፤ ሽን አ ኡሉ አዉደነ ግዳናዋ ግ ኤረና። 8ያትና፥ ጭንጫ አሳይ ኤያፐ አያን ኬኪ? ህዬሳይካ ሎይ ጭንጪደ፥ ሀራቱ ስንን ዋን ስመረታነንቶ ኤርያዌ አዉ አያ ማዲ? 9አይፍያን በእያዌ አሞትያዋፐ ኬካ። ቃይ ሄዌካ ጫርኩዋ ኦይቃናዉ የደርስያዋ ማላ መላ።
10ሀንያባይ ኡባይካ ካሰቲደ ኩሸት ኡቴዳ። እት እት አሳይ ዋናናዉ ደእንቶ፥ አዱሳ ዎድያፐ ካሰ ባጋን ኤረት ኡቴዳ፤ ቃይ አይ አሳይነ ባረፐ ምንያዋና ጋዳታናዉ ዳንዳየና። 11ሃሳያይ ጮራትያ ዎደ፥ ሀዳባይ ጮራቴ፤ ሄዌ ያትና፥ አሳ አያ ማዲ?
12ሀዳ ግዲደ፥ ኩዋዳን ጮ አያ ጉ ላይ ባረ አሳይ ዎቲደ አናዉ ኮሽንቶ ኤርያዌ ኦኔ? ቃይካ አሳይ ሀይቂደ ብ ክችና፥ ሳሉዋ ጉፋንን ሀናናዉ ደእያዋ አሳዉ ኦዳናዉ ዳንዳይያዌ ኦኔ?
