Select a Verse
1ሎኦ ሱንይ ዳሮ ዱረተፐ አ፤ ሳበትያዌካ ብራፐነ ዎርቃፐ አ።
2ዱርያነ ማንቁዋ ኡባካ መና ጎዳይ መዳ፤ ሄዋን ኡንቱንቱ ላኡካ ቃራ።
3ጭንጫ አሳይ ኢታ በኢደ፥ ቆሰት አ፤ ሽን አኬካይ ፓጬዳ አሳይ መቱዋን ገሊደ ቆሄቴ።
4ኔን አሽከ ግዶፐነ መና ጎዳዉ ያዮፐ፥ ዱረተ፥ ቦንቹዋነ ደኡዋ ደማና።
5ኢታ ኡራ ኦግያን አጉንይነ ጲሪ ደኤ፤ ሽን ባረና ናግያ አሳይ ኡንቱንቱፐ ሃኬ።
6ናአይ ዋኒደ ደአና በስንቶ ታማርሳ፤ ያቶፐ፥ እ ጭሚደካ ሄዋ አገና።
7ዱሪ ህዬሳ ሞዴ፤ ታልእ አኬዳዌ ታልእያ እሜዳዎ አይለ ግዴ።
8ናጋራ ዘርያ ኡራይ ዋይያ ጫኬ፤ ሀራቱዋ እ ቱጋይያ ቱጋ ጻምአይ መኤና።
9ኬካ አሳይ ባረ ቁማፐ ህዬሳዉ ጮ እምያ ድራዉ አንጀታና።
10ቅሊጭያ አሳ ከሳ ድጎፐ፥ ፓሉሚ፥ ዋላሳይነ ቦሪ ክቻና።
11ኔን ዎዛና ጌሻተነ ኬካ ሃሳያ ዶሶፐ፥ ካቲ ኔናና ዳቦቴ።
12መና ጎዳይ ኤረተ ናጌ፤ ሽን ዎርዳንቻቱዋ ቃላ እ አ የጌ።
13ቦዛ አሳይ፥ “ታን ካረ ከሶፐ፥ ጋሙ ታና ማና፤ ታና ኦግያን አሳይ ዎና” ያጌ።
14ዎሹምያ ማጫ ምሽራት ዶናይ ጪሞ ኦላ ማላ፤ መና ጎዳይ ሀንቀቴዳ ኡራይ አ ግዶን ኩንዴ።
15ናኣ ዎዛና አዛላተይ ባቂ ኦይቄ፤ ሽን ቃይጼርያን ሙርያዌ አፐ ሃሴ።
16ባረዉ ማጹዋ ጉጃና ጊደ፥ ህዬሳ ናቂያዌ ዱርያዉ እሙዋ እምያዌ ላኡካ ህዬሳና።
ሀታሙ አዳ ኤራ ሃሳያቱዋ
17ነ ሀይ ሃ የጋደ፥ አዳ ኤራንቻይ ኦድያዋ ስሳ፤ ነ ዎዛናካ ታ ኤራኮ ዛራ። 18አያዉ ጎፐ፥ ኡንቱንታ ነ ዎዛናን ዎፐነ ነ ዶናንካ ኡንቱንቱ ኡባ ሀሳዮፐ፥ ኔን ናሸታና። 19ነ አማኑ መና ጎዳን ግዳና ማላ፥ ታን ኔና ሀች ታማርሳድ። 20ታን ነዉ ዞሪነ ኤራተይ ደእያ ሀታሙ ሌምሳቱዋ ጻፎዌሽ! 21ኔና ኪቴዳዎ ኔን ልከ ዛሩዋ ዛራና ማላ፥ ታን ኔና ቱማተ ታማርሳድ።
22ህዬሳቶ አያይነ ባይና ድራዉ፥ ኡንቱንቱዋ ቦንቆፓ፤ ችሎታንካ መቶታንቻቱዋ ማታ ይሶፓ።
23አያዉ ጎፐ፥ መና ጎዳይ ኡንቱንቱ ድራዉ ሞተታና፤ ኡንቱንታ ቦንቄዳዋንታካ እ ቦንቃና።
24ሀንቀትያ ኡራና ላገቶፓ፤ ሀንቀታናዉ ኤሌልያ ኡራናካ ዙፐቶፓ።
25ኔን አ ሀኑዋ ሜዘቶፐ፥ ጉየፐ አጋናዉ ዳንዳያካ።
26አሳዉ አጩዋ ታ ቃንጻና ጋደ ዋስያ ገሎፓ።
27ኔን ቃንጽያዌ ዮፐ፥ ነ ግስያ ሂጻይ አተናን፥ ነዉ ደእያባይ ኡባይ አከታና።
28ነ ማይዛ አዎቱ ቶኬዳ በን ዛዋ ሾዶፓ።
29ባረ ኦሱዋ ሎሀተን ኦያ አሳ በኣድ? እ ካተቶ ኦፐ አትና፥ ጮ አሳቶ ኦና።
