Select a Verse
ኪታንቻነ ጉ ማጻፋ
1ቃይካ ታን ሀራ ዎልቃማ ኪታንቻይ ሳሉዋፐ ከሲደ፥ ዱገ ዎያዋ በኣድ። ሻርያ እ ማይ ኡቴዳ፤ ቃይ ዙሉ አ ሁጲያ ዩይ አ ኡቴዳ። አ ዴሙካ አዋ ማላ፤ አ ገዲካ ታማ ቱሳ ማላ። 2ሄ ኪታንቻይ ዶያ ደእያ እት ጉ ጻጸቶ ማጻፋ ባረ ኩሽያን ኦይቄዳ። ባረ ኡሸቻ ገድያ አባ ቦላ ኤሲደ፥ ባረ ሀድርሳ ገድያ ቢታ ቦላ ኤሴዳ። 3ጉድያ ጋሙዋዳን፥ ዎልቃፐ ጉዴዳ። እ ጉዴዳዋፐ ጉይያን፥ ላፑ ጉጉንቱ አናና ጉንን ሃሳዬድኖ።
4ኡንቱንቱ ጉሜዳ ዎደ ታን ጻፋናዉ ቆፓድ። ሽን ሳሉዋፐ፥ “ላፑ ጉጉንቱ ሃሳዬዳዋ አሳዉ ቃቶፓነ ጻፎፓ” ያግያ ኮሻይ ታዉ ስሰቴዳ።
5ሄዋፐ ጉየ፥ አባ ቦላንነ ቢታ ቦላን ኤቂደእሽን ታን በኤዳ ኪታንቻይ፥ ባረ ኡሸቻ ኩሽያ ሳሉዋ ፑደ ምጬዳ። 6ሳሉዋነ ሳሉዋን ደእያ ኡባባ፥ ሳኣነ ሳኣን ደእያ ኡባባ፥ አባነ አባን ደእያ ኡባባ፥ መዳ መ መናዉ ደእያ ጾሳ ሱንን ጫቄዳ። ያቲደ፥ “ዎዲ ዉራናዉ ጋምኤና። 7ሽን ላፑን ኪታንቻይ ባረ ማላካታ ፑንያ ዎደ፥ ጾሳይ ናባቱዋ ግዴዳ ባረ ቆማቶ ቃላ ኦድ ዎዳዋዳንካ፥ እ ጹሬዳ ቆፋይ ፖለታና” ያጌዳ።
8ሄዋፐ ጉይያን፥ ሳሉዋፐ ሃሳይሽን ታን ስሴዳ ኮሻይ ላኤንዋ ዛሪደ ታና፥ “አባ ቦላንነ ቢታ ቦላን ኤቄዳ ኪታንቻ ኩሽያን ዶያ ደእያ ጻጸቶ ማጻፋ ባደ አካ” ያግያዋ ስሳድ።
9ታን ሄ ኪታንቻኮ ባደ፥ ጉ ጻጸቶ ማጻፋ ታዉ እማና ማላ፥ አ ኦቻድ። እ ታና፥ “አካደ ማ፤ ማጻፋይ ነ ኡሉዋ ጫምሳናዋ፤ ሽን ነ ዶናን ኤሳዳን፥ እ ማልአናዋ” ያጌዳ።
10ሄዋፐ ጉየ፥ ታን ኪታንቻ ኩሽያፐ ሄ ጉ ጻጸቶ ማጻፋ አካደ ማድ፤ ታ ዶናን ማጻፋይ ኤሳዳን ማልኤዳ። ሽን ታን ሜዳዋፐ ጉይያን፥ ታ ኡሎ ግዱ ጫሜዳ። 11ቃይካ ታና፥ “ያራ ኡባ፥ ዛርያ ኡባ፥ ዱማ ዱማ ቢታ ቃላነ ካታቱዋባ ኔን ትምቢትያ ቃንጸናን ሃሳያናዉ በሴ” ያጌዳ።
