Select a Verse
ማጫስ የል ስሚድ ጌይያ ዎጋ
1ጎዳይ ሙሰኮ ሀይሳዳ ያግስ፤ 2እስራኤለ አሳስ ሀይሳዳ ያጋዳ ኦዳ፤ “እስ ማጫስ ቃንታዳ አደ ናአ የልኮ፥ ባ ኩሸ መቱዋ በእያ ዎደ ቱና ግደይሳዳ ላፑን ጋላስ ጋካናዉ ቱና ግዳና። 3ሆስፑን ጋላስ ናአይ ቃፃረታናዉ ኮሼስ። 4ሄሳፈ ጉየ፥ ማጫስያ ባ የሎ ሱይ ፅዝአና ጋካናዉ ሀስታማነ ሄ ጋላስ ጋምኦ፤ ቃስ ባ ጌይያ ጋላሳይ ዉራና ጋካናዉ ጌሻባ ቦቾፎ፤ ጌሻ ዱንካንያካ ገሎፖ።
5“ሽን እስ ማጫስ ማጫ ናአ የልኮ፥ ባ ኩሸ መቶ በእዳ ዎደ እያ ቱና ግድዳይሳዳ ናምኡ ሳምንታ ጋካናዉ እያ ቱና ግዳና። ሄሳፈ ጉየ፥ ባ የሎ ሱይ ፅዝአና ጋካናዉ ኡሱፑን ታማነ ኡሱፑን ጋላስ ጋምኦ።
6“ማጫስያ አደ ናአ ዎይኮ ማጫ ናአ የላዳ ባ ጌይያ ዎድያ ኦንግዳፐ ጉየ፥ ፁሳ ያርሾስ እስ ላይ ዶርሰነ ናጋራ ያርሾስ ቃስ እስ ሆለ ዎይኮ እስ ኩራቾ ጌሻ ዱንካንያ ፐንገን ደእያ ካህንያኮ ኤሆ። 7ካህነይ ሄሳ ኤክድ ጎዳ ስንን እ ናጋራ አቶተስ ያርሼስ። ሄሳፈ ጉየ፥ እያ ጌያና። አደ ናአ ዎይኮ ማጫ ናአ የልያ ማጫሳስ ደእያ ዎጋይ ሀይሳ።
8“ሽን እያ እስ ላይ ዶርሰ ኤሀናዉ ዳንዳኦና እፅኮ፥ ናምኡ ሆለታ ዎይኮ ናምኡ ኩራቾታ ኤሆ። ኤንታፈ እሶይ ፁሳ ያርሾስ፥ ቃስ እሶይ ናጋራ ያርሾስ ግዶ። ሄሳዳ ኦድ ካህነይ እ ናጋራ አቶተስ ያርሼስ፤ እያካ ጌሽ ግዳና።”
